「股市漁夫」創辦人莊志雄指，金價喺聯儲局講嘢或做嘢咗前已經升咗60%，金礦股就升超過1倍，但聯儲局喺12月10日宣布減息後，金價、銀價及金礦股繼續升，並帶動其他白金、銅及其他基本金屬價格向上升，當呢啲價格郁，某程度反映市場擔心美元明年將會跌得更多，若市場對美元失去信心，通常會買入金屬類產品，所以就出現呢個情況。

Lewis又指，依家釋放出來嘅流動性，似乎唔足以托起成個股市，只係見到個別範疇郁，以指數計郁得最好係中型股指數，聯邦公開市場委員會(FOMC)宣布「放水」後，中型股指數升咗2.4%，標指只係升咗0.5%，納指100就跌，所以流動性就算1個月有幾百億美元，都唔能夠將成個市托起，只能托起個別範疇。

【名家給力場】美國「放水」托唔起股市？(上)

勝利證券首席顧問陳建良指，美股及港股喺年尾呢幾個星期觀望氣氛濃厚，但唔排除今年最後一個星期會有「Year End Rally」，如果大市喺聖誕後真係彈高，2026年第1季好大機會回調，所以唔彈反而更安全。

KL又話，今年唔少新興市場都跑贏美股，未來最大浮動因子(Swing Factor)係美國聯儲局明年嘅貨幣政策取向，近期債息向上，反映市場唔相信美國嘅通脹數據。 

佢續指，如果聯儲局挽回唔到市場信心，美債、美匯都會同時跌，喺唔暴跌嘅情況下對新興市場仲有利，不過，若失業情況嚴重，局方因經濟陷入衰退而減息，新興市場就唔再係「避難所」。

【名家給力場】Fed幣策明年左右全球股市大局？(上)

「股市漁夫」創辦人莊志雄指，美國經濟有放緩跡象，據過往數據顯示，當失業率咁升法，經濟最後都會陷入衰退，如無意外聯儲局都要減息，甚至做QE救經濟。

Lewis又話，但今次做QE難度比2019年高，一方面每次議息都減息，但10年期債息都唔跌，加上新任聯儲局主席人選未定，若依家重啟QE，美元有機會大跌20%至30%，今年好多非美投資，不論A股、日股、新興市場股票都跑贏美股，令唔少投資者慢慢離開美元資產，未做QE已開始避險。

【名家給力場】聯儲局再做QE難度高過2019年(上)

「股市漁夫」創辦人莊志雄指，今次嘅行為屬於準備量化寬鬆(Pre-QE)，對上一次最似今次係2019年，都係回購利率市場比較波動，波動較大嘅時候，聯儲局就會出來維持秩序。今次汲取咗2019年嘅經驗，提早做好準備，尤其喺交稅嘅月份，因為呢啲月份可能影響流動性，所以聯儲局要喺呢個月份之前做好準備。

Lewis又指，正式嘅QE係當央行將利率降到零之後，冇其他嘢可以做，唯有喺市場買長債，著重返長期資產，以支持整體經濟，作出刺激作用，主要目的為壓低長期利率。因此，聯儲局無論係今次定2019年嗰次，都表明唔係QE，佢哋買T-bills旨在提供短期流動性，而非壓低長期利率。

他續指，今次同上次都有同樣嘅背景，都係經濟周期轉弱，以及收稅太多令流動性變差，喺兩件事情夾擊下，令聯儲局要出手維持秩序。

【名家給力場】聯儲局買T-bills係咪QE前奏？(上)

「股市漁夫」創辦人莊志雄指，從中短線睇，程式買盤的確係幾重要，雖然VIX昨晚跌至20以下，但唔知之後會唔會升返上去。佢又話，程式買盤有兩大類，其中一類係(Wall Control Fund)，主要係睇住波幅做嘢，如果之後VIX抽返上去，投資者又會繼續減倉。另一類係睇追蹤趨勢嘅程式買盤，值得留意係，依家呢類程式買盤係由買變成沽，估計未來1周，無論大市升定跌，投資者都會沽貨，大市反彈係沽，如果大市跌，投資者甚至會沽多啲，比例會係1對4。

Lewis又指……

【名家給力場】美股升定跌投資者都照沽？(上)

「股市漁夫」創辦人莊志雄指，通常程式買盤係睇兩大類，一類係動力及趨勢，即CTA，另一類係波幅，波幅大嘅時候會減倉，波幅細就會加倉，通常都係呢啲做法。依家見到標普500指數仍處於高位，未係好明顯出現減倉，不過，小型股已經跌緊，大型股都開始跌，當動力弱咗，例如標普500指數跌穿50天線，呢啲情況就會觸發CTA，然後開始沽貨。

Lewis續指，依家見到程式買盤係有沽貨壓力，因為......

【名家給力場】程式買盤未爆減倉潮 (上)

「股市漁夫」創辦人莊志雄指，呢啲都係未知之數，只可以從OpenAI自己嘅預測去睇，不過關於微軟我哋可以留意股價喺7月已經見頂，約555美元，依家距離高位約10%，雖然公司話盈利有改善，但股價喺呢段時間向下，公司指出，原因係OpenAI仍然蝕緊錢，但其實呢件事好普遍，根本唔值得關注。

Lewis認為，未來更需要關注係，好似微軟呢啲級數嘅公司，基本上債券冇可能違約，但最近公司嘅信貸違約調期(CDS)上升，反映市場認為微軟違約風險高咗，再睇OpenAI嘅自由現金流......

【名家給力場】微軟違約風險升溫有咩啟示？(上)

「股市漁夫」創辦人莊志雄指，美股暫時未仍穩定落嚟，因為有一啲程式買賣，嗰個波幅擴大，即VIX讀數高的話，機構投資者就會減倉，依家20係分水嶺，當VIX升到25，佢哋就會大幅減持，喺依家嘅情況下，就要觀察多幾日。

Lewis又指，根據美銀嘅基金經理調查顯示，基金經理現金水平跌至10年低位，上次出現呢個跌勢係2021年「契媽熱潮」，當時個市好瘋狂，但依家又去到呢個狀態，相信機構投資者已經係滿晒倉，等第4季炒上去，依家突然有美股震盪，機構投資者因為咁低嘅現金水平要加倉，係會有啲難度，加上9月聯儲局減息之後，未見環球流動性增加，反而係比以前少，按6個月變化嚟計，雖然仲有輕微增長，但已經接近0%條線。

【名家給力場】美股仍未喘定要睇實VIX(上)

最近港股市場展現資金回流跡象，吸引國際投資者重新聚焦中國市場。對沖基金經理David Tepper於2024年已積極增持中國股票。而知名基金經理「木頭姐」Cathie Wood旗下的方舟投資（Ark Invest）近日亦罕有地大手增持阿里巴巴及百度股票，顯示其對中概股估值修復及增長潛力的信心。

這波資金回流與外資加碼，為港股注入強心針，亦反映全球投資者對中國市場的重新評估及長線布局意願。投資者應如何部署第四季港股及美股投資策略？📈 👉🏻立即報名參加免費網上研討會，掌握最新投資機遇！✍🏻📚

研討會詳情如下:

主題: 「資金回流港股？木頭姐重新關注阿里巴巴?」

時間: 2025 年 10 月 15 日（星期三）︱晚上 21:00 - 22:30 (香港時間)

地點: 網上 Zoom 進行

「股市漁夫」創辦人莊志雄指，其實市場唔係好理停擺，亦聽過唔少消息指，當政府停擺，美股有90%機會升，可能係呢啲情緒影響咗個市。依家見到指數完全冇受影響，暫時市場仍有動力，並由散戶推動，尤其係4月之後，散戶喺4月好進取咁入市，大市再升時，散戶又再積極入市，據摩根士丹利嘅統計顯示，不論交易所買賣基金(ETF)或股票，今年散戶嘅需求都係有史以來最強勁，甚至超越2021年嘅「契媽熱潮」。

Lewis續指，但今年嘅情況有少少唔同，2021年市場係傾向買多啲個股，而今次係買多啲ETF，但總量係勁過2021年，值得留意係，如果今年好似2021年咁過熱，之後就會出現好大嘅調整，可以參考返2022年嘅數據，標普500指數最後係跌逾30%，所以市場就要留意，暫時係未知可唔可以炒埋傳統旺季第4季。

【名家給力場】美股未必可以炒埋第4季？(上)

「股市漁夫」創辦人莊志雄指，其實Fed已經打晒開口牌，話未來1年減4次息，即每季減1次息，無論減3次定4次，基本上市場已經預測到，而市場已Price in晒，例如今次會議減0.25厘，呢個舉動市場已經預期晒，所以市場應該冇乜大反應。

不過，問題係好多時做投資唔係睇大家嘅市場共識，因為當大家都睇相同嘅野，有啲位就會忽略咗，而嗰啲位先至係要留意，依家見到60%至70%嘅基金經理都話會減3至4次息，佢認為，市場忽略咗其餘兩個大嘅可能性，其中1個可能性係未來12個月減超過5次息，甚至一次過減息0.5厘，呢啲情況反映住美國經濟大幅放緩，甚至係有明顯嘅衰退風險，聯儲局先會咁做。

Lewis又話，亦有政治上嘅影響，美國總統特朗普(Donald Trump)迫Fed減息，但市場似乎認為特朗普係迫唔到，如果迫到9月就應該減息0.5厘，而唔係0.25厘，另1個可能性係依家通脹已慢慢升返，一旦減息，如果美國經濟冇出現衰退，通脹可能會升得好快，導致未來只可能只減1至2次息，呢兩個情況投資者係要留意。

【名家給力場】要留意Fed兩個減息情境(上)

勝利證券首席顧問陳建良指，現時全球大部分機構投資者都低配A股及港股，若恒指升勢持續，將會吸引一批原本冇留意A股及港股嘅資金流入。佢又估計，恒指將逐步推升，但如果升得太急，例如1個星期升逾1500至2000點，投資者就要小心大市可能會出現大調整。

【名家給力場】港股或因一個情境出現大調整(上)

「股市漁夫」創辦人莊志雄表示，主要係如果美元回落，會較有利新興市場，加上新興市場有減息空間，兩樣嘢加埋就會見到同期，即過去10個交易日，美國就業數據顯示當地經濟有放緩嘅情況，加上美國趨向減息下，明顯見到新興市場係比其他成熟市場做得更好。

Lewis續指，連上半年做得好好嘅歐洲市場，最近都轉弱咗好多，因為歐洲息口正在扯高，加上歐元轉強，會對一啲資產價格造成壓力，所以就會見到歐洲市場跑輸其他市場。

【名家給力場】新興市場近期跑出因為...(上)

「股市漁夫」創辦人莊志雄指，各國債市最近都陸續出現奇怪現象，例如日本30年期債息居高不下，甚至喺7月突破3.2厘阻力位，以及英國喺過去幾日升穿5.6厘水平，呢兩個警號都反映住如果美國聯儲局或各國央行繼續「放水」的話，會令環球通脹上升，值得留意係，昨日(2日)美國股市開始有壓力，債息一接近5厘水平，標普500指數一度跌逾1.5%至1.6%。

佢續指，美國30年期債息一旦跌穿5.1厘，代表住聯儲局減息都會刺激通脹，而長債息率不跌反升的話，對好多風險資產都會有壓力。

【名家給力場】美30年債息呢個位不容有失(上)

勝利證券首席顧問陳建良認為，聯儲局9月好大機會唔減息，又認為投資者未來3個月不宜對美股睇得太樂觀，建議減少持倉。

KL續指，市場依家受關稅、俄烏戰事等因素影響，仍有好多不確定，相信鮑威爾同美國總統特朗普(Donald Trump)嘅角力會令股市出現動盪，而美股係傾向升慢急跌，如果持有大量貴價股會好難轉身。佢又估計，美股有機會出現大調整，其中，納斯達克100指數有機會挫3000點至21000點水平。

【名家給力場】美股大調整殺埋身宜減倉(上)

「股市漁夫」創辦人莊志雄指，現階段要留意一啲高Beta、早前一窩蜂去炒嘅股份，情況就同2021年第1季「契媽熱潮」一樣，好多股票狂升，但之後好快就大跌。機構投資者唔會只買最大幾隻股份，而係增加對沖，依家嘅情況同2021年相似，所以有一定參考價值。

Lewis續指，未來40至50日有唔少重要事件可能會令波幅擴寬，包括Jackson Hole年會、英偉達(Nvidia)業績、8月非農數據、通脹數字。此外，要留意聯儲局主席鮑威爾(Jerome Powell)9月會唔會減息，若最終唔減息，投資者應提前部署。

佢又話，7月納指中線市寬跌穿50強弱分界，跌穿後要再回升有難度。「契媽」基金ARK Innovation ETF(ARKK)喺7月中開始見頂，之後畀市寬拉落嚟，依家超過一半呢類型嘅股份已經跌穿50天線，若指標跌到40以下，投資者就要小心指數會被大市拖累。

【名家給力場】美股現「契媽熱潮」2.0？(上)