KL分析本地銀行嘅內地及香港房地產風險佔比，指出大部分銀行嘅風險集中喺三方面，包括借俾發展商嘅貸款、為商業物業做嘅槓桿(gearing)、本地住宅按揭。當前高息口環境加上本港經濟麻麻，令銀行借貸時要承受更大壓力，而本地銀行板塊嘅股價尚未完全反映呢個負面因素。

KL認為，今年應該避開投資本地銀行股，並指市場誤以為之前港美息差擴闊，有助推升本地借貸需求，但而家經濟轉差，銀行反而需要為不良貸款嘅潛在損失做減值撥備(provision)，繼而對今年度嘅財務表現有負面影響。

【名家給力場】2024年忌沾手本地銀行股

【Now財經台】市場預料美國明年會率先減息，美元轉弱將令通脹持續回落難度增加，美國經濟軟著陸係咪言之尚早？美股又可唔可以繼續強勢？

勝利瑞柏基金管理合伙人暨投資總監陳建良話，好多投資者睇美國經濟同美股指數掛鈎，但其實兩者無咩關係。美國市民嘅生活環境，包括積蓄、中小企破產數字、信用卡違約等數字都一直升緊，最終都會影響美國經濟轉差。佢相信即使好巨型嘅科企，都好難完全「離地」、同美國經濟完全無關，又話美國科企係服務全球，面對歐洲反壟斷嘅懲罰等，都會令企業喺未來一年嘅盈利無想象中咁高。

佢又提到，今年咁多投資者追入科技股，係因為好多人認為科企嘅財政狀況甚至比美國政府好，但應該考慮估值係咪值得。整體上佢認為2024年美國經濟唔容易軟著陸，亦唔睇好美股表現。

【名家給力場】明年美國經濟難軟着陸

勝利瑞柏基金管理合伙人暨投資總監陳建良認為，港股今年已經跌完，估計今年餘下時間可以守住16000關，而呢浸升浪好大機會持續至明年1月中。佢又話，美國聯儲局「放鴿」係支撐港股最主要因素，由於美元下跌，人仔自然有得升，都對港股有提振作用，資金成本亦可望下降。

以下係ChatGPT回應：

「納指破頂」這個說法通常指的是納斯達克指數（NASDAQ）達到新的歷史最高點。

納斯達克指數（NASDAQ），即使它沒有創下新的歷史高位，短期內的上漲也可能會被某些交易者或分析師視為有交易機會的「頂」。然而，對於納斯達克指數目前處於三年前水平，並且有超過60%的股票低於其200天移動平均線，這說明市場正經歷一段調整期或下行趨勢。儘管可能會有短期的反彈或交易機會（如你所說的“升幾個月”），但如果大部分股票仍然低於長期移動平均線，這可能意味著整體市場趨勢仍然是負面的。

在這種情況下，一個短期的上漲可能不會改變長期的下降趨勢，這就需要對大趨勢有深入的理解和分析，以便更好地評估整個市場的健康狀況和未來的方向。

「股市漁夫」創辦人莊志雄指，鮑威爾2018年開始正式執掌聯儲局，呢6年有個pattern幾有趣，唔知點解美股喺單數年份表現較好，同埋升得比較穩定，而雙數年份期間就經歷過大跌，其中，2018年第4季自高位回落咗20%，而2020年因為新冠疫情更大跌逾30%，去年大部分跌幅都係第2季出現，跌咗約20%，一般嚟講，第4季表現應該唔似2018年，因為當年有1個好重要因素，就係鮑威爾剛執掌聯儲局就講錯嘢，話會自動導航咁「收水」，繼而觸發跌市。

Lewis又話，鮑威爾汲取咗上次教訓，依家「時鴿時鷹」，依家最有趣係......

【名家給力場】美明年3月減息有變數？

「股市漁夫」創辦人莊志雄認為，鮑威爾上次提及「The Market Is Doing Its Work」係咩意思？可以參考高盛金融狀況指標，每次呢個指標上升，就代表收緊銀根，鮑威爾講話前，即9月至10月底，呢個指標抽咗上去，鮑威爾認為市場幫手做緊嘢，收緊銀根，導致當時嘅金融狀態比較緊張。鮑威爾講咗呢句說話，市場認為佢暗示停止加息，指標即掉頭向下，代表金融狀態寬鬆咗，作用等同「放水」，所以過去1個月股市、債市嘅方向基本上都係一致。

佢又話，喺呢個情況下，由於市場預期變成「放水」或停止加息，導致有一個放鬆作用，各類資產價格喺11月有個「鬆一口氣反彈」(relief rally)。

但依家銀根鬆返，係咪代表金融市場冇發揮作用？原本鮑威爾講話金融市場正發揮作用，但依家冇幫手「收水」，唔係發揮作用，咁佢下次出嚟可以講咩？還是要繼續加息？呢個對未來市場有好大影響，例如...。假如之後出嚟講話講返轉頭、加息周期未完結，就會好影響股、債市表現。如果之後係keep住當睇唔到金融狀態寬鬆咗，任由佢寬鬆，就要犧牲美金大跌。但呢個都係未有結果，如果美元持續回落就可能有一個訊號比我地，但訊號目前未能夠確認。

【名家給力場】鮑威爾講錯嘢點補鑊？

KL分析指，美國聯儲局11月會議紀錄顯示再加息機會唔大後，美元匯價好快回軟，而市場亦憂慮美國長遠遏通脹嘅能力。此外，全球地緣政治局勢緊張，美元長遠購買力不足令央行持有美國國債、美元資產作為外匯儲備嘅功能存疑。

【Now財經台】美股3大指數今個月強勁反彈，有分析認為，美國迎來「金髮女孩」(Goldilocks)嘅理想景象，即通脹溫和及經濟持續增長。不過，之前提及今年基金經理係部署long美國科技股，喺度平緊倉，依家美股已非常貼近頂部，散戶高追會唔會有風險？

勝利瑞柏基金管理合伙人暨投資總監陳建良直言係非常危險，回顧兩年前，聯儲局宣布會開始加息，兩年後嘅今日就話加夠，利論上「收水」不利股市，「放水」就對股市有利，資金依家就追入，但通脹及美國債息都未必會回落得太多，除中國繼續沽美債，最近30年期國債拍賣反映美債需求唔旺盛，加上近期美國數據急速轉差，睇返依家嘅情況，相信經濟衰退(Recession)好快就出現，亦擔心減息係救唔到。

KL提醒，喺呢個情況下要留意金價，相信金價多次挑戰每盎司2000美元後，最終會喺呢段時間試穿，創歷史新高，縱觀多個資產價格，似乎市場係反映緊對長遠美國通脹嘅憂慮，如果現階段追入美股非常危險，甚至懷疑美股可能已經見頂。

【名家給力場】現階段追入美股好危險

「股市漁夫」創辦人莊志雄指，暫時只係睇到一日嘅反應，同埋只係一次通脹回落嘅數據，至於長期通脹係咪回落，仍然言之向早，但今次通脹數據對短線有一定影響，其中以標準普爾500指數升得最多，噚晚升咗1.9%，長債債價就升1%，反映債息回落，但美匯指數跌1.5%，以債價嚟睇就係得不償失，所以長期嚟講，要留意揸住美債會唔會蝕匯率，即使債價升，都補唔返匯價下跌。

至於點解今次通脹回落速度咁急？Lewis就話…

【名家給力場】小心揸美債賺價蝕匯率

「股市漁夫」創辦人莊志雄指，買巴郡應該等巴菲特都認為股市跌夠出手時，上次佢出手好勁係2008年第4季狂掃貨，選擇呢啲時候跟佢做部署係比較好，至於佢幾時會做嘢，其中一個「線索」就係留意現金水平有冇下降，例如2007、2008年現金水平大減40%，2007年高位揸咗好多現金，隨著大市持續向下，佢就開始加注，一直加到2009年標指見底時，現金水平同高位比較大減逾40%，喺呢啲時機跟巴菲特做嘢或買入巴郡，會係一個較好嘅時機。

不過，Lewis指出，依家標指曾經自高位回落咗10%，但過去兩年都冇乜表現，喺估值咁高嘅情況下，見到巴菲特手頭現金係不斷增加，去年曾經增持西方石油(Occidental Petroleum)，但之後一直偏向保守，過去4季基本上係淨賣出股票，唔係淨買入，呢個就話比外界知佢嘅取態，就係依家喺美股搵到估值合理嘅嘢買，都有一定困難。另一樣值得留意係......

【名家給力場】幾時係買巴郡好時機？

勝利瑞柏基金管理合伙人暨投資總監陳建良認為，過去一星期已有基金經理平倉，相信10月中恒指逼近18000點水平時已經想補空倉，但因為市場等穿底再慢慢平倉，不過，由於成交太少平唔到太多，今日大市升導致平空倉壓力大增。今年平空倉嘅壓力比去年擁擠，但依家港股投資情緒低迷，俗不會像去年Long Fund 或投資者 cut levearge，反彈幅度就唔會好似去年咁勁。

KL又話，做中短線部署首選科技股，佢認為，科技指數喺今輪反彈浪會跑贏恒指，雖然恒指未必好似去年彈咁多，但幾千點都有可能，去年主要係價值股抬頭，由於今年「中特估」蟹貨好多，走勢反覆嘅科技股反而有機會跑出。不過，有一類股份就要小心…

(p.s. 訪問中，是指美聯儲停止「加息」，並非停止「減息」。觀眾們有智慧應能分辨到有口誤，謹此致歉)

「股市漁夫」創辦人莊志雄指，依家睇返一定係，當大家一窩蜂去做一件事，短線係可以唔跟基本因素，但大部分時間都要跟，點解揀美國長債ETF及納指100 ETF分析，因為呢啲資產唔係睇今日，而係睇未來，前者係未來20年嘅現金流，後者部分公司依家係冇盈利，都係著眼於未來10、20年，公司愈做愈好，將來有現金流時，就可以折現返去今日，就可以做一個估值。

Lewis又話，呢啲Long duration assets最怕利率向上，因為要喺未來嘅現金流折現返去今日，利率愈高就愈唔值錢，今次個債喺2021年已見頂回落，因為債券投資者對通脹敏感度較高， 長債真正大跌係2022年開始，初期一路拖住納指落去，兩者表現幾乎一模一樣，2022年呢兩類資產價格都係跌約30%。

【名家給力場】切忌生錢變死錢

勝利瑞柏基金管理合伙人暨投資總監陳建良認為，9月賭收的確有增長，但唔能夠同去年同期比較，因為去年仍然係疫情管控期間，雖然賺咗錢，但要留意唔少內地遊客已改變咗去香港旅遊嘅模式，就係唔再以消費為主，相信去澳門玩嘅內地旅客都有相同情況，因此，喺呢個改變下賭收要重返疫前水平會比較困難。

Lewis分析指，9月美國信用卡消費按月驟降，急跌程度跟3月矽谷銀行(SVB)倒閉時差唔多。此外，美國大部分產品類別嘅消費開支數據亦按年大跌，其中，百貨公司銷售跌近20%、電子產品銷售亦跌近10%，兩個數據都反映主力支撐美國經濟增長嘅消費數據突然轉差。

佢續指，現時有約40個州份較去年多咗逾20%人持續申領失業救濟金，而過去幾次經濟衰退時，正正同持續申領失業救濟金人數升幅顯著嘅州份明顯增多嘅時期重疊。

Lewis預期，若美國今年第4季已陷入經濟衰退，但華府可能會等到明年6月至9月先正式宣布，並指2008年金融海嘯時，當局就喺9月雷曼兄弟爆煲前後，先宣布2007年末次按危機起，美國已進入衰退。

【名家給力場】3個數據反映美經濟已陷衰退？

讓我來解釋一下。債券和房地產投資是兩種常見的投資方式，它們都有各自的風險和收益。政府債券通常被視為較為穩定且風險較低的投資方式，而房地產投資則可能提供更高的收益...........

他認為觀察數據，要多方面，破產數字及銷售數據，比較能反映實際情況。失業率低未必代表經濟強，因人們也可能是因為一人兼顧幾份工作，再加上長期失業人口經歷一段時間後，不再計算在內。有消息也指，人們減少使用信用卡花費及為聖誕而減少消費，這應該不會在經濟強勁情況之下發生。

美國的債市其實比股市重要，現在美國發的長債，在市場上供過於求，以致債價的下跌，連帶其他優質長期資產一起向下，個別長債的ETF已下跌了一半，相當於2008年金融海嘯股市的跌幅。再加上以哈戰爭，油價回升會進一步推高CPI，令債價，假若真發生，後果是非常嚴重的。市場漠視了戰事及債價下跌帶來的傷害。

【要贏人先要贏自己】投資決策學中班，首輪早鳥10月17日完結 (KLFA05)

在香港與全世界，眾人均明白「投資」的必要性。但投資與賺錢是兩回事。所以投資前要求知係無錯，咁 ... 求乜呢？全球著名的資管公司 Fuller & Thaler曾真心道出，如果要在投資市場中長期贏錢，應該發展以下三項優勢的其中最少一項，否則應該都係做魚腩居多。

「股市漁夫」創辦人莊志雄指，雖然美國聯儲局開始加息至今唔夠兩年，但聯儲局宣布「收水」至今就差唔多兩年，期間美股從未創新高，絕對稱唔上係牛市，而對二三線美股嚟講更加係熊市，跌得最甘係債市，美國30年期債價喺宣布「收水」後跌逾30%，相反，聯儲局「收水」令美元造好，至今美匯指數升近12%，而金價喺呢段期間都冇跌，油價更錄得頗大升幅，但油價最終會被經濟衰退影響，因此，第4季未必可以繼續升。

Lewis續指，要留意金價會唔會接力油價嘅升勢，因為過往金價喺經濟衰退時有機會造好，由於金價過去兩年升得比較少，投資者可能會買金避險。

佢又話，雖然以巴爆發衝突，但市場冇太大反應，即使油價上升，但美股近乎冇反應，佢提醒，市場風險溢價應該要提高，加上「收水」，美股估值應相應下跌，所以美股現階段係偏貴。

【名家給力場】油價升勢或斷纜 金價有機接力

勝利瑞柏基金管理合伙人暨投資總監陳建良指，之前都講過恒指會維持上落格局，要扭轉依家嘅局面唔容易，因為香港經濟情況好貼近內地，貨幣政策卻跟隨美國偏向緊縮，兩面夾攻下，港股較難只因估值低而突然翻身。佢又指，市場認為港股成交淡靜係因為北水未回歸，但實際上，即使北水可帶旺成交，但唔代表北水就是買，帶動市場上升。

KL續指，恒指依家已經唔再係區間上落，已明顯突破咗第2、第3季嘅區間，慢慢向下，但突破方式唔係大跌後出現大成交，而係「陰啲陰啲」咁跌，穿底就升少少，之後又跌過，成交愈來愈少。

佢又話，價值投資者唔肯入市，加上之前有外資沽空港股，唔睇好中國經濟又唔肯平倉。如果任意一方調頭，成交理應開始較明顯上升。預期可能要等港股喺大成交下大跌，引相關資金出籠，才有機會扭轉局面。

【名家給力場】北水難扭港股「陰跌」局面

「股市漁夫」創辦人莊志雄認為，美國經濟會硬著陸，上季唔少人預期會軟著陸，因為加息周期就快完，而經濟數據表面上又唔太差，但市場似乎忘記咗通脹上升周期嘅歷史，仲以為個玩法係通脹回落期，呢代人喺上世紀80年代開始投資到依家，都習慣咗通脹長期回落嘅情況，每次加完息利率就好快回落，央行因通脹回落就可以減息減得好狠，甚至做埋QE(量化寬鬆)救經濟，今次同過往每次大衰退前嘅講法都一樣，就係預期經濟會軟著陸，例如2007、2008年，當年連央行官員都係咁講，但最後經濟陷入衰退。

Lewis又話，每次聯儲局「收水」都會影響全球金融狀態，而今次加息速度之急，係過去幾十年未見過，所以今次冇事發生及可以軟著陸嘅機會近乎零，佢估計未來一定會「有事」發生。

【名家給力場】美國經濟難軟著陸