「股市漁夫」創辦人莊志雄表示，官員預期加息周期未完係合理，因為當地通脹非持續向下，自6月基數效應消退後，通脹數據再度回升。佢分析指，全美獨立企業聯盟(NFIB)小型企業加價指數，一般係領先核心通脹數據約4個月，依家指數回升緊，佢相信走勢反映核心通脹有機會回升。

Lewis續指，世界大型企業聯合會(The Conference Board)公布嘅美國經濟領先指標，按年變幅已跌至零，而1967年至今，每次出現呢種情況後，美國經濟都會陷入衰退，並指聯儲局仍有加息壓力，而數據已跌至2001年或2008年金融海嘯時水平，繼續「收水」就只會繼續跌。

佢認為，從上述數據睇，美國經濟唔似可以「軟著陸」，更似會出現滯脹。

【名家給力場】兩個指標話你知美經濟難軟著陸

勝利瑞柏基金管理合伙人暨投資總監陳建良相信，蔚來發債行動陸續有來，而其他新興嘅電動車企亦可能會跟住蔚來向市場「伸手」，集資打價格戰。

KL分析指，傳統車廠或電動車企龍頭比亞迪股份(01211)，可以靠傳統汽車銷售提供現金流，但蔚來呢類純電動車企本身好難有正現金流，因此，只能靠減價促銷谷銷量及收入，不過，依家蔚來銷售唔係太理想，現金流入(cash inflow)唔算高，加上公司以前靠服務取勝嘅賣點，唔及依家同業嘅先進技術咁有競爭力。

佢認為，如果蔚來汽車銷量夠秤，大可以向銀行借錢，但公司選擇發債，或意味未來營運現金流未必咁理想。

【名家給力場】電動車企齊做「伸手黨」？

勝利瑞柏基金管理合伙人暨投資總監陳建良指，新地周一急挫主要係唔肯保證唔減派息銀碼，投資者會擔心，若地產市道持續向下，意味新地派息會愈來愈少。不過，有一點係無辦法扭轉，雖然本港地產商借貸冇1997年咁多， 但始終個周期係向下，加上負擔成本上升，而新盤開售時亦肯劈價，由於利息成本高，亦限制咗發展商還錢能力。

KL又話，睇返本地發展商依家嘅借貸比率及派息比例，大部分都有Gearing，只得長實集團(01113)及信和置業(00083)係處於淨現金狀態，而呢兩隻股份會相對較好，因為唔會受利息上升影響。

至於點揀本地地產股，陳建良就話...

【名家給力場】揸本地地產股要有耐性

美匯指數年內一度向下假穿100，但昨天升穿105成年內高位。原因是受到油組減產的消息，刺激油價急升近一成，另外，歐美將進入冬季，在現時極端的天氣下，每每夏天越炎熱冬天就會更寒冷，今年歐美熱浪連連，故估計今年的天然氣及石油的使用量，也會大幅提高。

對科技股敏感度較高的納指今年走勢理想，但他預計，科技股的估值相對於增長來說，巳經有點過高。歐洲極度重視私穩的保護，對於美國的科技企業進行一連串的罰款。使美國企業即使生意做得不錯，但也難以產生攏斷的局面，要不放棄歐洲市場，要不放下巨額罰款。

日元在三十年的迷失之下，近年終於迎來通漲，這是日本政府樂見的。但日本在人口結構上，其實沒有改變，所以通漲是成本上升帶來的，不是需求帶來的。而日本早前巳經曾經表示放寬YCC並控制在0.5%區間，但又同時大量購債。他認為這種做法，是有點矛盾的。

勝利瑞柏基金管理合伙人暨投資總監陳建良相信，呢次唔係單一事件，並指有統計顯示，英國仲有逾20個城市有破產風險，認為辛偉誠對伯明翰破產事件嘅回應，似乎係警告其他城市政府，唔好期望一旦輪到佢哋「爆煲」政府會出手打救。

KL又指，無論英國政府救定唔救，市場嘅第一個反應好大機會係美元會升，會對全球風險資產偏向不利，仲話未來3個月要密切留意事態發展。

佢分析指，若英國政府用「印銀紙」方式打救，喺當地高通脹環境下，會令英鎊及英國債價受到好大壓力，如果政府選擇唔救，再有城市突然爆煲，當地經濟將會轉差，房產價格下跌，企業經營困難，失業率又上升，到時就係當地銀行業同股市出事，因為...

【名家給力場】伯明翰破產恐引發漣漪效應

勝利瑞柏基金管理合伙人暨投資總監陳建良指，港股平係有原因，因為香港經濟跟內地，貨幣政策就跟美國，所以喺中國經濟比較差的情況下，香港同時面對上市公司業績前景普通同緊縮嘅貨幣政策，不利投資者入市意欲。

【名家給力場】港股冇人吼有原因

「股市漁夫」創辦人莊志雄指，睇番過去一年銀行股表現，恒生中國內地銀行指數跌得仲少過美國的花旗同美銀，所以美國的系統性風險都不容忽視。

佢又話，向來環球金融危機出現，通常都會通縮，息口回落，資金都係入長債，但今次完全唔係嗰回事，美國仲講緊加息，有排都未減息，原因係……

【名家給力場】美國系統性風險不容忽視?

政府宣佈新一批的銀色債券將於7月28日公開發行，年滿60歲 (1964年或之前出生）或以上的香港居民可認購是次銀色債券。政府發行的銀色債券能為年長居民提供更多穩定的投資產品。第8批銀色債券保底息率5%，目標發行額為500億港元，政府會視乎市場反應酌情將其提高至最多550億港元。

銀色債券是什麼?

銀色債券（簡稱”銀債”，英文：silver bond）是香港政府在2016-2020年發行的零售債券，只限年滿65歲的香港身份證持有人購買(從2021年起，更把合資格年齡由65歲降至60歲)，息率為綜合物價消費指數過去六個月的變化平均值或保底5% （2018及2019年批次改為3%，2020-2021年上調至3.5%, 2022年更上調至4%）。銀色債券為年長居民提供一個回報穩定的投資產品，協助長者們有效管理退休資本。

銀色債券認購詳情

申請認購日期：2023年7月28日(星期五)上午9時至2023年8月9日(星期三)下午2時

預定發行日：2023年8月18日(星期五)

入場費:  每手入場費1萬元。

申請方法: 就2026年到期的銀色債券系列獲香港特區政府委任的指定證券經紀:

Lewis比較納指5隻「股王」包括英偉達(Nvidia)、Google母公司Alphabet、微軟(Microsoft)、蘋果公司(Apple)、亞馬遜(Amazon)8月至今嘅股價表現，當中僅市銷率(price-to-sales ratio)最低，即估值最平嘅亞馬遜有得升。

佢分析指，5隻股份中，英偉達嘅市銷率最高，最高峰時曾達45倍，意味集團喺零成本下，需要45年才回本。佢又話，Tesla喺2021年熱炒時，市銷率逾20倍，英偉達嘅估值泡沫爆破後，市銷率下調至約39倍，但仍屬「瘋狂」估值水平。

Lewis續指，隨著8月息口抽升，呢類增長股面對嘅沽壓愈大，因為債息愈來愈高，買債收息嘅回報比買股票更吸引，機構投資者會逐漸減持高估值股，再將資金泊落債市賺利息，繼而拉低納指。

佢又提及，納指已跌穿50天線，跟長線市寬走勢背馳，指數喺冇大股支撐下，將會進入唔短嘅調整期。

【名家給力場】納指將步入較長調整期？

Lewis續指，第3季商品價格升勢，令能源板塊喺美股中表現最標青，尤其係石油服務股、油氣開發股，相關ETF分別升逾18%及逾13%，值得留意係，升得最好唔係市值最大嘅能源企業或成分股。

此外，Lewis認為，港股嘅新能源車股值得長期關注，並指歐美唔少汽車評論人對中國產電動車嘅評價正面，事實上，板塊早喺第2季已有利好訊號。

過去1個月，藍籌車股比亞迪股份(01211)及吉利汽車(00175)股價僅錄得單位數升幅，反觀「造車新勢力」小鵬汽車(09868)及理想汽車(02015)爆升約30%。

Lewis表示，雖然唔少股份短期已超買，但如果未來業績交到貨，仍睇好新能源車板塊長期走勢。

【名家給力場】「造車新勢力」超買照追？

勝利瑞柏基金管理合伙人暨投資總監陳建良指，根據上次美國被降級嘅經驗，加上之後爆發歐債危機，令資金重投美元及美債，今次美國再被降級，由於依家美國債務沉重，加上息口上升，美國已經無空間行寬鬆嘅貨幣政策，其中一隻反映未來美國加息機會嘅ETF PFIX抽升3%，反映美國下半年不單唔會減息，甚至可能要再加息1至2次。

【名家給力場】美被降級後驚現再加息訊號 

勝利瑞柏基金管理合伙人暨投資總監陳建良認為，8月環球股市好大機會「東升西降」，佢解釋指，日本央行有準備退出超寬鬆貨幣政策嘅跡象，相信環球資金流將出現反轉效應(reversal effect)，部分資金會從美股回流亞洲股市，有利港股後市，並預期港股市寬將全面上升，並會有更多上市集資活動。

KL續指，5至6月全球擁擠交易(crowded trade)數據顯示，美股大型科企好倉係最擁擠嘅交易，其次係沽空中資股，佢估計，呢兩個趨勢將會逆轉。

佢認為，雖然美國加息周期屆尾聲，但當地滯脹風險懸而未決，美國科技股會面對好大沽壓。另一邊廂，港股近日大舉反撲，估計唔少淡友將要夾淡倉，繼而夾高恒指，加上港美息差只係稍微擴闊，港元匯價冇明顯受壓，亦利好港股。

【名家給力場】環球股市8月「東升西降」？

「股市漁夫」創辦人莊志雄指，美股近排借通脹消息炒返上嚟，但匯市及債市投資者似乎唔係咁睇，有調查顯示，匯率及利率分析員對美國通脹高企預期正在升溫，同股市嘅炒法存在幾大分歧。至於會唔會有金融危機，匯率及利率分析員嘅預期係降咗溫，但其實係好正常，因為第1個data point係4月，即矽谷銀行(SVB)出事，市場情緒一定處於一個避險mode，所以調查結果比率係較高，但去到一個咁低水平係較罕見，由原本幾擔心突然變成唔擔心，會唔會睇漏或輕視呢個風險，未來邊度會爆一啲嘢出來，美國機會相對低，但歐洲嘅情況就令人擔心，因為...

【名家給力場】歐洲經濟隨時出事？

勝利瑞柏基金管理合伙人暨投資總監陳建良指，平台經濟對內地係有貢獻，佢估計，相關公司嘅管理層未來會變天，業務方面亦會做返「專」啲，所以唔排除競爭會大咗，但對民生嚟講係好事，只要冇出現壟斷情況，相信中央都係循呢個方向去睇。

KL又話，如果揀平台經濟股最好係中小型及估值低，避開龍頭股。次季業績方面，佢認為應該冇乜睇頭，相比疫情前當然好好多，因為中國經濟正面對一個失速情況，而中央點解再度技持內房及平台經濟，因為呢啲公司大部分係私人企業，可以令經濟失速情況冇咁嚴重。

【名家給力場】平台經濟股「揀細唔揀大」

莊志雄預期，今晚出嘅通脹數字會再回落，主要受基數效應影響，但踏入下半年會減退，因此，通脹未來有機會回升，到底美股今晚會再炒多浸上去，還是等埋8月通脹數據先跌，又或者預先炒咗通脹掉頭向上？所以今晚一定要留意。

Lewis又話，最近已經好少人講yield curve，其實依家處於一個極端倒掛情況，上一次出現呢個情況就係發生SVB事件，有趣嘅地方係，2年期債息喺通脹預期或聯儲局這論咁鷹下，仲未破上次高位，呢個情況都要留意住，到底yield curve會唔會抽返上去，由負數變正數，因為通常有「大事件」發生，yield curve都會向上抽。

【名家給力場】要睇實孳息曲線及美匯指數

Lewis認為，上半年Apple勁升或因為臨近季結，基金為粉飾櫥窗(window dressing)就夾最重磅嘅蘋果上去嚟整靚盤數，然而，集團現時每股盈利(EPS)預測已經向下，而行政總裁Tim Cook繼上年8月後，今年4月再大手沽貨，兩個跡象均反映現時蘋果股價虛高，高層趁高沽貨套現。

佢又預期，未來有劃時代AI產品嘅科技企業，將會造就下一個牛市，而Apple最後一個明顯帶動股價嘅產品已經係2016年推出嘅AirPods，欠缺令市場有驚喜嘅創新產品。

Lewis續指，Tesla有望成為下一隻「股王」，佢話公司係8隻標指重磅股中，最有能力推出真正創新嘅AI產品，例如預計未來幾年量產嘅人形機械人Optimus。

【名家給力場】Apple或失「股王」寶座(上)

勝利瑞柏基金管理合伙人暨投資總監陳建良指，其實3月時已預期第2季係一個上落市，估計第3季會明顯突破橫行局面，開始行單邊，暫時睇單邊向下機會仍較大，始終不利因素比較多，例如美國通脹，即使6月跌穿4%，但應該已見底， 所以唔好期望減息，中國方面就係救經濟，但由於板斧唔多，都離唔開「放水」，但會令人仔下瀉，而喺呢啲情況下，個別股份如上季熱炒嘅「中特估」概念股都應該炒完。

究竟這是甚麼葫蘆裡賣甚麼藥？不同情景疊加下，有沒有長短倉的考慮？當然，這只是一個潛在例子，未來也充滿變數。漁夫講堂秉承「理論、實踐與視野兼備的金融講堂」宗旨，決定加料，純以投資角度分享事態疊加後的長短倉考慮，會否有機會可以把握？

漁夫講堂6月課程，將深入探討如何結合氣候變化的知識和投資策略，共同應對這充滿挑戰與機會的時刻。次輪早鳥優惠於週一（6月26日）正式結束，並能取得4小時CPT課程證書。

長短倉理論與實戰組合，包含兩個課程

長短倉實戰課程 氣候變化篇 (KLDP04)

課程預期於6月27日晚上7pm上線。

1. 氣候變化緣起，溫室效應與碳排放

2. 全球暖化、厄爾尼諾現象及其經濟行業影響
3. 為何厄爾尼諾與全球暖化非常適宜用長短倉部署？
4. 氣候變化敏感受惠受影響行業，那些較易被忽略？
5. 中美歐面對全球暖化博奕論與戰略部署
6. 如何捕捉不同行業投資時間拐點？輔以實例。
7. 建立長短倉的特有思維考慮。
8. 中港股市受惠與受影響板塊與股份
9. 美歐股市受惠與受影響板塊與股份
10. 如氣候變化未發生或逆轉，或有其他市場風險，如何控制？
11. 俄國近日事件發生疊加的長短倉思考（只以投資角度討論，不涉及任何政治討論）。

「股市漁夫」創辦人莊志雄指，議息會議後，美債孳息率，尤其短息有啲想破頂，意味美國加息周期仍未結束。佢估計，如果冇重大事件出現，例如矽谷銀行(SVB)倒閉事件，局方會傾向繼續加息，因為核心通脹始終未見回落，過去5個月核心通脹都接近5%，但局方嘅目標係2%，因此，就算聯儲局唔加息，息口都要喺現水平維持一段長時間。

Lewis又話，最近推高美股主要係人工智能(AI)槪念股，以美國晶片巨企Nvidia啱啱晉身萬億股王為例，要維持萬億股王市值唔容易，基本條件係生意要愈做愈大，有分析估計，Nvidia未來4年生意額將以倍數增長，原因係…

【名家給力場】AI槪念股成美股「推手」

KL分析指，內地當局或會針對青少年失業率創新高，鼓勵年輕人重返校園，並放鬆教育政策同增加補貼，主營職業教育嘅教育股將會受惠。佢又預期，政府唔再谷房地產，但會增建公共住房，可能惠及建造相關股，並估計，內地會轉向再生能源產業加大資本投資，有利光伏、風電等新能源板塊。

佢續指，早前熱炒嘅中資電訊股、內險股，表現或受累外圍高息環境而引發嘅人仔貶值壓力，因為呢類企業嘅資產同現金流大多以人仔結算。

KL又話，港股仍然擺脫唔到上落市格局，預期之後更大機會向下突破，建議投資者趁呢排多好消息出貨，無謂喺高位追入。

Lewis續指，加息周期對資產價格有好大影響，包括美債、虛擬貨幣，至於美股，佢就話 ........

【名家給力場】美通脹走向仍有好大變數