「請注意頁底重要聲明」
近日多了投資者inbox我占卜問前程，似乎佢哋喺呢一刻覺得有啲進退失據，見到標普500指數升穿200天線就想重新入市，但係同時又驚熊市未完結。有見及此，漁夫做了以下的分析框架，給大家參考。
當分析一件事，最好把它拆細，然後逐一逐一去評估。以美國股市為例，漁夫會列出以下四個因素，然後再評估，大家自己可以再拆細，建立一個屬於自己的框架。
流動性因素：各國央行無限量買債、買ETF，為市場提供流動性，屬於正面。不過，近日聯儲局開始減少買債規模，加上美國財政部大量發債，吸走市場流動性，所以近日嘅市場Net Liquidity 已經由正變負。漁夫相信，未來一旦市場出現混亂，央行一定再次增加買債規模，所以這個因素又不會變得太負面，一加一減⋯⋯暫時當住中性。
估值因素：無論經周期調整市盈率(CAPE)、市銷率(P/S)或PEG來衡量，現時美股估值是過去幾十年來最貴或第二貴水平。美股現水平嘅投資價值甚低，很難吸引長線投資者大手吸納，所以股市越升這個因素便越負面。
技術因素：標普500指數升穿200天線，一般人會當係牛市重臨，但羅素2000指數仍處於200天線之下。漁夫跟Stanley Druckenmiller 一樣，睇inside the stock market ，即係市場寛度(market breadth)。以紐交所上市的股票為例，現時只有約四份一股份的股價處於200天缐之上，代表有超過七成股份仍有大量蟹貨。技術因素有正有負，但市寛比大價股指數重要，所以整體技術因素係負面。
市場情緒：若以CNN Greed & Fear Index去衡量，現時係中性。但若以Put/Call ratio去睇，買 Call嘅人遠多於買Put嘅人，尤其係買Call嘅散戶現時非常進取。另外，美國初哥現時積極撈底，市場看好情緒過熱係屬於負面。三個市場情緒指標係兩負一中性，所以整體亦都係負面。
從以上四個非常重要嘅因素可見，三負面一中性，所以現水平買美股再博向上的risk-to-reward並不吸引，亦印證了Stanley Druckenmiller 及David Tepper嘅近期觀點。Tepper在最近CNBC訪問中透露，他的股票持倉水平已經由，減至兩星期前的10-15%。
作為投資者，最重要的事情是無時無刻都在衡量入市值博率(risk-to-reward)，而不是看自己估唔估得啱⋯⋯靠估通常都係5:5波。Druckenmiller 曾經講過，他從索羅斯身上學會了值博率嘅重要性⋯⋯贏要贏得多，輸就盡量減少損失，這才是致勝之道。
Druckenmiller 能夠做到三十年不敗，每年有30%以上嘅年回報率，就係靠全疊打(Home Run)及保本(Preservation of Capital)呢兩招。第一季大部份漁民都能夠做到全疊打，但第二季環境已經不同，要把保本放在首位。舉個例子，今時今日你可能見到商業物業大跌而想去趁低吸納。請謹記，大轉移時期，物業投資已經變咗質！你要考慮，未來物業係咪個個月仲有租收？物業位處的國家及城市會唔會有暴亂、恐怖襲擊⋯⋯甚至戰爭風險？
投資者現時一見到有「機會」，期望未來有高回報(Return on Capital)，而忘記了在大轉移期間，Return of Capital才是重中之重，你知唔知知道上一次大轉移(1930年代)，美國有4千間銀行倒閉，國家把私人藏黃收歸國有，毆洲戰區嘅物業更是一文不值。所以以後投資前，要先考慮Return of Capital，策略係穩守突擊，而唔係學羅賓漢咁，有前冇後。
重要聲明：股市漁夫內的所有內容，包括本影片，絕不構成任何投資意見或購買任何股票及金融產品的特定推薦意見及/或不構成任何游說或要約，以購買、出售或以其他方式交易任何證券、期貨、期權或其他金融工具或其他產品，漁夫系統的內容亦並非就任何個別投資者的特定投資目標、財務狀況及個別需要而編製。投資者不應只按漁夫系統的內容進行投資。用戶必須留意，漁夫系統的所有訊號，並非是買賣訊號或任何投資建議，而所有訊號均是全自動用第三方提供之客觀市場數據計算出來的結果，當中並不涉及任何人為的想法、修改、修訂或任何投資建議。本網站包含的所有內容、資訊、訊號，並不針對任何特定的投資目標、財務狀況以及可能使用或接收該內容的特定人員的特定需求。在作出任何投資決定前，投資者應考慮各種金融產品的個別特點、個人的投資目標、可承受的風險程度及其他因素，並適當地尋求獨立的財務及專業意見。
