勝利證券首席顧問陳建良認為，今年消費情況差過預期，以汽車銷售為例，一般嚟講，相比農曆新年，黃金周有更多人買車，但睇返內地車企銷售，除咗小米集團(01810)外，其他車企銷售按年都要跌，可能市場對大額消費仍然審慎，所以車股都唔係好升。

內房方面，KL就話，內地喺長假前推出房貸貼息新招，令一、二線城市睇樓人數上升，反映市場認為政策改變，變成心理作用大於實際，只要有需求就可以買。對於最近出現「日光盤」情況，即一開賣就沽清，KL認為，內地只係學咗香港嘅模式，即推盤數量少及提供優惠，所以好快就賣晒。

至於二手成交反映更多投資者有意入市，但實際上樓市係咪轉勢仍言之尚早，不過，最少市場已對樓市冇咁悲觀。

【名家給力場】內地車企成「黃金周」輸家？(上)

「股市漁夫」創辦人莊志雄表示，若單看指數，情況係好正面，但其實美股市寬好差，逾60%股份低於50天線，港股都接近60%，大部分股票都因為加息受壓。佢又認為，市場變得兩極化，而加息壓力仍未完全消化，資金重新集中買入有增長故事、人工智能(AI)背景嘅股票，半導體股例如AMD、英特爾(Intel)，股價過去1周升得好厲害，反映投資者相信AI嘅盈利增長及未來生產力，可以抵銷高利率壓力。

Lewis又話，參考過往7次加息，加息後3個月股市都要跌，不論平均回報還是中位數回報，不過，今次納斯達克100指數ETF(Invesco QQQ)短短1周累升6%，值得留意係，喺正常情況下，如果美元走強，新興市場就會跌，但當周新興市場整體累升約5%。

【名家給力場】美科技股回勇有咩啟示？(上)

「股市漁夫」創辦人莊志雄指，當前局勢完全冇改善，沙特8月產量已係1990年以來最少，雖然美國話幾日內可修復受損輸油管道，但亦有人估計要停運5至6周，國際能源資訊署(IEA)已警告，2026年全球原油日供應會減少近600萬桶，唔止影響供應，亦會影響埋需求，依家油價企喺100美元樓上，IEA將2026年原油需求下調至每日減少250萬桶，反映高油價引發需求破壞，令消費者開支緊縮。

此外，美國原油庫存爆冷大增逾700萬桶，反映當地實體需求受損，而高度依賴紅海重要港口延布(Yanbu)嘅歐洲，冬季能源價格或受到重大衝擊，現時確立咗全球供應鏈極度緊繃及脆弱嘅結構，並非短時間內可以解決。

Lewis又話，最近油價同債息嘅1個月滾動相關性升至0.96，即油價每升1美元，長債息就升1至2個基點，呢個情況並唔常見，如果兩者唔能夠盡快脫鈎，加上胡塞武裝控制紅海關鍵島嶼，油價恐進一步推高債息。

佢認為，聯儲局今晚(16日)加息0.25厘已係市場共識，重點在於會後聲明會否展現偏鷹言論以壓抑市場需求，先有望壓住債息，並打破油價主導債息嘅關係。

【名家給力場】油價會繼續Lead住債息？(上)

喺香港，講市寬最有系統、最常被引用嘅權威來源之一係股市漁夫。創辦人莊志雄博士把海外技術分析常見嘅工具，變成香港投資者可以日日對照嘅語言；中文譯名「市寬」亦係由佢想出。面對市場，唔好淨係問「指數升咗未」，而要問「市寬幾多」。

港股權重集中，幾隻大股郁一郁指數可以好靚，但中小型股、主題股、收息股可以完全唔同方向。記住三個畫面：市寬同指數一齊向上，升勢較闊；指數創新高但市寬下跌、出現**背馳**，喺股市漁夫框架入面會視為黃色警報；市寬持續偏弱，風險管理往往比追標題更重要。

市寬唔係水晶球，亦唔係即禁買賣掣——佢最有價值嘅，係改你問問題嘅方式。想重溫原講法，可以睇返莊博專文《什麼是市寬》：

00:53：10年美債逼近5厘：市場「幫手加息」同YCC

02:46：M7分化；能源長期高如何鎖死通脹

03:36：美債失避險光環？資金轉商品能源

04:36：啞鈴策略：能源防禦 + AI／半導體進攻

05:41：農產品期權、南美 vs 東南亞

08:03：美股區間偏弱；黃金定價睇咩

10:59：港股內捲同22500：美股跌時相對安全？

【Now財經台】環球長債息同油價一齊向上，美股三大指數連跌，港股亦連跌多日。勝利證券首席顧問陳建良（金Sir）今集由主權債、能源、Nasdaq／M7三條主線拆局。港股22500、內捲同AI只係背景，唔係標題主菜。

金Sir指，聯儲局單靠「口術」壓通脹效果有限，市場自己推高債息等於「幫手加息」。美國10年期債息逼近5厘、長端更高，當局開始用類似孳息曲線控制（YCC）思路，印錢買債，避免金融系統因高息爆破。過去「買美債避險」嘅慣性邏輯，喺佢眼中可能已動搖。主權債唔一定再係安全嘅避風港。

能源方面，短期油價波動未必即刻傳導到食品，但能源價格長期化上升，會推高肥料同食品成本，令通脹更難回落。金Sir預期，能源同資源板塊有機會取代美債，成為新一代避險資產之一。美股科技亦出現明顯分化：M7唔再齊升齊跌，資金喺板塊之間「轉嚟轉去」，似一種美股版資金內捲。納指／半導體可以做組合入面嘅進攻端，但唔宜全倉押注。

實戰上佢提出啞鈴策略：一端能源／資源作防禦，另一端AI／半導體作衝刺。下半場再講到農產品期權同南美（巴西／阿根廷）相對東南亞嘅取捨、美股區間偏弱、黃金受制於美息同大國貨幣錨定，以及流動性一旦收緊時現金同商品都會受壓。港股方面，唔排除進一步下試22500，但內捲嚴重；若美股真係明顯回調，處於相對低位嘅港股反而可能「安全少少」。

【名家給力場】港股10月跌到22500點？(上)

我們特別邀請專家，在這場免費線上研討會中，為你深入剖析：

💡 研討會精華重點：

1.      黃金與商品大解析：急升過後，長線上行空間還有多少？

2.      AI 產業鏈透視： Nvidia 勁爆業績背後，資本開支泡沫隱憂如何影響美股？

3.      宏觀匯市與部署： 9 月美聯儲降息預期 x 日元干預常態化，投資者該如何鎖定勝局？

「股市漁夫」創辦人莊志雄指，環球通脹問題由2020年開始一路向上，如果央行想根治通脹，加息幅度必須高過通脹率1%至2%，但依家各央行都冇呢個決心，純粹靠回購操作等，力度應該唔夠，必須由聯儲局出手，做量化寬鬆(QE)或扭曲操作(Operation Twist)，加上美國總統特朗普(Donald Trump)傾向減息，估計聯儲局主席沃什(Kevin Warsh)都唔會逆佢意，財政部只可以將長債息喺5.3厘水平封頂，力保唔會失守5.5厘，但要跌落5厘以下就好難。

Lewis又話，6月底SpaceX發行250億美元長債後，各大科技巨企都開始加碼，美國30年期孳息率由4.8厘水平飆至5.3厘，依家巨量AI相關債務發行，規模相當於美國每年發債總量70%，呢啲優質債變相係同美國國債爭緊生意，從而出現供求問題。

佢續指，有分析指，大量發債會推高美債約0.3個百分點，例如Google母公司Alphabet發30年期債，孳息率接近6.4厘，遠遠高過美國債券，自然好多投資者都會選擇佢，令整體債券長期融資成本全面提高。

【名家給力場】美債息高企同巨無霸科企發債潮有關？(上)

「股市漁夫」創辦人莊志雄指，招數未必有用，因為宣布嘅效果比較明顯，美國聯儲局主席沃什(Kevin Warsh)剛上任時，喺議息會議發言偏鷹，將2年及30年期嘅息差壓咗落去，孳息曲線平咗，但7月議息會議又放鴿，息差就抽咗上去，令財長要貝森特出手。

Lewis又話，市場默認5.5厘係「死線」，所以依家財政部同聯儲局聯手要「封頂」，但封到個頂，就壓唔到落嚟，要聯儲局幫手做大量量化寬鬆(QE)先可以。

佢提到，聯儲局做QE時會印銀紙，創造新嘅基礎貨幣，然後買入政府債券，呢個係比較中性嘅做法，但依家唔係咁做，因為財政部想改變平均債券個年期，發行國庫券去回購現有嘅長期債券，縮短整體債務年期，都可以釋放流動性。

【名家給力場】美債息好難壓低？(上)

「股市漁夫」創辦人莊志雄表示，美匯指數8月至今跌唔夠1%，同期金價就升咗15%，金礦股更飆42%，Bitcoin價格亦抽升25%，所以話金價升純粹基於美元貶值交易就講唔通。

佢又話，其實第1季已提到減持黃金相關倉位，金價今年見咗高位後，大部分時間喺每盎司4000至5000美元上落，接近4000美元就可以加返少少，不過，現時去返近4700美元，已過4500美元呢個中間位，但唔期望今年會破頂，即使今次將美債回購規模提高1倍，都只係40億美元，同以往美國聯儲局做量化寬鬆以數萬億美元計，相對於整體美債市場喺好細嘅數目。

Lewis又指，市場會憂慮美國政府連通脹都未控制好，會質疑增加美債回購規模係咪針對根本性嘅財赤，所以金價表現係市場向政府發出訊號，增加美債回購規模又唔理通脹，長期係削弱美元、美債地位。

【名家給力場】金價今年難再破頂？(上)

【名家給力場】SpaceX繼續挾淡倉？(上)

「股市漁夫」創辦人莊志雄指，整體嚟講，市場反應係持平，股價都冇受太大影響，喺過去1個月，最受影響係半導體、記憶體股票，4家Hyperscalers公司公布業績，仍繼續大幅增加資本開支(CapEx)，所以之前市場擔心4家公司開始減CapEx，出完業績就知道冇減少，所以個市就暫時企穩咗，加上微軟份業績都幾緊要，之前有人估計Azure及其他雲收入增長不足40%，最終出嚟係43%，成功達標。

Lewis又話，用業績嘅消息推上推落，而咁啱上星期個市去到好超賣嘅情況下，就用業績嘅消息推返上去，呢個係依家個格局，如果要改變個格局，就係當Hyperscalers投資咗咁多錢，最後見利潤率下降，減少CapEx，到時先要擔心，依家就似乎可以鬆一口氣，睇埋下季。

【名家給力場】4大Hyperscalers冇減開支美股暫鬆一口氣(上)

免費下載PDF報告👉🏻https://blog.stockfisher.com.hk/blog/jimgrant/

 • 沃什維持利率於 3.75% 的決策本身並非核心問題，真正傷害在於溝通失敗與公信力流失。

 • 三名 FOMC 成員投票贊成立即加息 25點子，但主席刻意迴避討論加息可能性，市場解讀為「忽視通脹」。

 • 30 年期殖利率急升遠大於 2 年期，反映的是通脹風險溢價與期限溢價上升，而非單純政策利率路徑調整。

 • 長端殖利率上升會透過金融條件緊縮管道（房市、企業投資、股票估值）產生實際緊縮效果，即使政策利率未動。

 • 沃什堅持「純數據依賴、不提供前瞻指引」放大不確定性，使每份數據都可能被解讀為政策轉向訊號，抬高風險溢價。

 • 最危險情境並非九月加息，而是數據仍偏強卻不加息，導致公信力進一步受到質疑、長端殖利率持續走高，最終被迫以更大幅度緊縮收場。

 • 關鍵變數是未來數週核心 PCE、就業與薪資數據的降溫速度，是否足以快速修復市場對聯儲局的信任。

「股市漁夫」創辦人莊志雄認為，雖然美國最近嘅軍事行動，可以摧毀到好多軍事設施，但對全球經濟嚟講，最重要係可以通過霍爾木茲海峽船隻數量，可唔可以維持喺高水平。佢又指，美伊簽署諒解備忘錄時，可以通過海峽嘅船隻數量一度大升70%，但重點應該係平均數字，而唔係單日數字。

Lewis又提及，戰爭前可以通過海峽嘅船隻介乎60至80艘，依家7日平均數係20艘樓下，即唔夠30%，郵輪亦由戰爭前30至40艘，跌至唔夠10艘，所以佢擔心全球原油庫存消耗嘅同時，一旦唔夠油就會影響煉油設施。

Lewis續稱，若海峽情況進一步惡化，而美國絕對軍事優勢又唔能夠紓解原油問題時，即使原油運輸改道或經油管輸出，全球每日仍缺1000萬桶，若通航持續受阻，去到9月或會影響煉油設施，因此，高盛亦估計，倫敦布蘭特期油第4季有機會突破每桶120美元。

【名家給力場】若海峽情況再惡化煉油設施遭殃？(上)

「股市漁夫」創辦人莊志雄指，美股市寬上下波動，冇好明顯嘅方向，喺咁嘅情況下，市場資金就會輪動，唔同時間會炒唔同板塊，除咗半導體股，沃什上場後，反而係生科及銀行股跑出。

Lewis又話，IBM由高位回調超過30%，明明6月仲創緊52周新高，但突然逆轉，單日跌幅仲勁過疫情及2008金融海嘯嘅時候，反而戴爾(Dell)、美光(Micron)、HP喺IBM跌嘅時候造好，睇得出贏家、輸家分別好大，佢提醒，就算同樣係AI股，都要揀啱主題嚟炒。

【名家給力場】炒AI股要揀啱主題(上)

「股市漁夫」創辦人莊志雄指，之前韓股及台股喺新興市場吸咗唔少錢，對H股市場都有影響，依家存儲類股份回調超過20%，反而拖累返佢哋本身嘅股市，由於存儲類股份比重較大，出現資金倒流返H股嘅情況。

Lewis又話，美光亦有類似情況，業績造好，Q3收入大升逾3倍，但仍然托唔到股價上去，美光好早就釋出「轉勢向上」嘅訊號，第2季季結後，個市反而好似掉轉炒，韓股及台股跌，H股又好轉，6月底出現止賺訊號，所以美光股價走勢係有啟示。

【名家給力場】美光股價反映韓台股資金倒流H股？(上)

與此同時，SpaceX 歷史性登陸納斯達克，狂抽 750 億美元資金，一舉登頂全球最大 IPO！這場前所未有的「資金大遷徙」，正徹底改寫全球資本新周期。這代表著新一輪科技泡沫的吹起，還是第四代商業巨頭的文明里程碑？

「股市漁夫」創辦人莊志雄指，要通航應該仲有變數，美國總統特朗普(Donald Trump)所講，其實同伊朗嘅回應有分歧，佢認為6月底前，唔好隨便聽信雙方嘅說話，更多應該睇博彩市場嘅賠率係點。

Lewis又話，如果霍爾木兹海峽到7月、8月都仍未復常，對運油及鍊油設施會有影響，市場對復航嘅諗法係中性向好，雖然認為美伊雙方周五(19日)成功簽訂協議，但認為簽完要復航嘅機會就只得57%，要加倍留意賠率嘅變化。

油價方面，佢就話，依家有水雷失蹤，即使之後開通，船隻亦未必願意過，令通航時間再耐咗，如果7月仍然未通，油價會上到100美元，如果完全通航，就會落返80美元以下，但以目前情況估計，油價都會繼續喺70美元至80美元區間上落。

【名家給力場】海峽係咪順利通航睇實博彩賠率 (上)

【Now財經台】全球首富馬斯克(Elon Musk)旗下SpaceX，今晚(12日)就會登陸納斯達克，呢個史上最大嘅世紀IPO集資額高達750億美元，雖然市場質疑集團估值太貴，睇返以往嘅明星股上市首年，股價都自高位大幅回調幾成，如果散戶想喺上市後買貨，應該點部署？ 

勝利證券首席顧問陳建良指，有分析指，買SpaceX就好似10幾年前買比特幣(Bitcoin)，一係輸晒，一係升幾百倍，以往嘅明星股上市後跌得比較多，係因為之後出現咗明顯競爭對手，甚至替代公司，KL估計，SpaceX上市首日股價好大機會升，但由於市值大，唔會一開市就倍倍聲咁升，加上太空概念進入門檻好高，市場上暫時搵唔到第2隻同類股份替代，佢預期，SpaceX之後好大機會可以發展到好似人工智能(AI)般大嘅概念，所以唔使太擔心，但就要留意呢類股份好易受個別事件影響。

KL又話，傾向等股價回調之後再買貨，因為上市首日一般都會出現雙位數波幅，投資者情緒好易受影響，如果有擔心，就可以等出咗衍生產品再參與，但相信依家太空相關交易所買賣基金(ETF)，已經喺私人市場慢慢吸納SpaceX，散戶唔需要等SpaceX入指數，應該都會有被動投資者，有封閉性基金(Closed-end Fund)同埋太空相關嘅ETF成為被動買盤。

【名家給力場】等SpaceX上市後回調再買貨？(上)

「股市漁夫」創辦人莊志雄認為，依家美伊都認為可以拖到對方讓步，現時有個講法叫「Peace on」、「Peace off」，如果和平協議有得傾就係「Peace on」，咁個市就會升，冇得掂或談判有阻滯就「Peace off」，咁個市就會有震盪。

Lewis認為要傾掂數唔容易，但石油庫存持續減少，而庫存方面要留意一樣嘢，唔係減到零先唔Work，其實庫存要Keep住有70%至80%，一旦低過呢個水平，會對好多油管、煉油設施、運油設施有影響，雖然依家全球都冇一個單一明確數字，去定義極低庫存，但有唔少分析指，困存嘅石油包括管道、抽唔出嘅油、在運途中嘅油等，都要Keep住有70%至80%。

佢續指，如果以之前嘅水平為例，當係一個正常水平，即全球庫存約80億桶，若70%至80%，即跌到約62億桶就會有問題，據IEA(國際能源總署)及滙豐嘅預測，去到第4季就會Hit到呢個水平，到時就會好麻煩，佢認為，市場依家對呢個問題過分樂觀，因為...

【名家給力場】市場輕視石油庫存危機？(上)