文章分享

【名家給力場】明年投資短債更著數

【Now財經台】日本央行噚日向市場投下震撼彈，出乎預期擴大10年期國債孳息率區間，明示退出維持多年嘅超寬鬆貨幣政策。

「股市漁夫」創辦人莊志雄認為，當連長年面對通縮嘅日本都轉鷹，反映環球通脹情況已經嚴重失控，各國央行其實冇計控制通脹，指炒作減息憧憬係言之尚早。佢續指，數據顯示日本早前已開始縮表，可見今次行動並非突然。

Lewis又指，美債引伸波幅喺各國央行減加息幅度後，仍未穩定落嚟，預期明年債市會愈來愈波動，又話今年現金及收息工具跑贏大部分資產，認為明年嘅投資策略可保守啲，例如投資美國短期國庫債券(T-bills)，幾個月內就可以連本收返3至4厘息。

【名家給力場】市場其實炒緊衰退？

【Now財經台】美國11月核心通脹CPI按月增速係15個月以來最慢，美股噚晚早段衝高，但之後無以為繼，收市升勢顯著收窄，係咪反映通脹問題仍有穩憂，又要擔心經濟衰退，應該點解讀呢啲市場現象？

「股市漁夫」創辦人莊志雄指，美股趁噚晚出CPI數據炒上，基本上11月10日已經開始咗，而大約1個月前，成日聽到要炒返舊經濟股，所以要買道指，如果買道指ETF，過去1個月升咗5%，但跑輸黃金，而黃金都屬於傳統投資產品，另一樣係避險資產，即美債，尤其係長債，經濟倒退時常用嘅工具，如果通脹真係回落，炒Disinflation用嘅工具正正係長債，長債ETF升咗14%，年期愈長嘅長債ETF，升得愈勁，而中國股市嘅ETF表現亦十分標青，呢個炒法係炒通脹回落，但背後其實係炒緊衰退，尤其係油價下跌時，因為衰退先會「債升油跌」，所以唔好開心得太早。

Lewis又話，噚晚出咗CPI數據後，油價又炒返轉頭，投資者要思考下，如果通脹真係回落，聯儲局「收水」，商品價格升返上去，通脹預期會唔會回落？如果落唔到，聯儲局又可以做到乜嘢？

【漁民系列】雙動能與三動能投資 (Dual Momentum and Triple Momentum Investing) 付費會員獨家

在投資上，動能（Momentum）可以簡單地定義為股票上升或下跌時的可持續性，根據股價在一段時期內的變化作為買賣依據的策略被統稱為Momentum Strategy ，正所謂“寧買當頭起，莫買當頭跌”，Momentum Trading遠比我們意識到的普遍，如果我們開始賣出輸家並買入贏家，我們就在投資組合內創造Momentum.........

【漁夫短評】VIX指數觸及上升趨勢線 付費會員獨家

【經典書籍分享】華爾街趨勢大師William O’Neil的爆升股賺錢術 -《笑傲股市》

 《How To Make Money In Stocks》，中文版《笑傲股市》是一本由華爾街經驗豐富的趨勢大師William O’Neil (威廉· 歐尼爾) ，將其個人投資心法毫無保留地集結成的著作。William O’Neil (威廉· 歐尼爾) 21歲白手起家，30歲就買下紐約證券交易所的席次。1963年成立了超過全球500家客戶的法人投資研究機構William O’Neil & Company。1984年，他創辦《投資人商務日報》，讓一般投資大眾也能夠取得投資交易的相關資訊。目前William O’Neil & Company已成為全球600位基金經理的投資顧問，聽取他的投資建議，並持續以演講的方式宣揚其CANSLIM的投資策略。