「股市漁夫」創辦人莊志雄指，投資者好多時留意今日發生嘅事，但始終要睇返個趨勢，其實由舊年第4季開始，主題係熊市反彈，特色係之前強勢嘅美元回一回，令好多股市指數造返好啲，以龍頭美股為例，雖然過去1個月累升3%至4%，但有一點要留意，睇返標指嘅走勢，舊年6月係插咗落去，之後一直處於上上落落嘅狀態，仲未擺脫下降軌，其實係類似熊2狀態，即係跌咗近20%後，造返一個反彈，但又破唔到頂，跟住又呈一個上落格局，龍頭已經係咁，其他市場都可能畀龍頭牽著，最重要龍頭唔好出事。

Lewis又話，日本市場係今年最少人談論嘅風險因素，日本央行今日出咗聲明後，日圓應聲下跌，行長黑田東彥就快卸任，維持政策不變係正常，但令佢聯想到當年美國聯儲局狂做寬鬆政策，令美國經濟表現似乎好好，但2008年就出現雷曼倒閉事件，因之前過度印銀紙，印出一個樓市泡沫，最後要靠QE收科，依家日本嘅情況有啲類似。

「股市漁夫」創辦人莊志雄表示，見底有兩個條件，首先係要沽嘅人已經沽晒，香港之前好明顯係，聽到最差嗰日有基金經理宣布香港科技股已經清咗倉，而宣布後就啱啱見底。即係話當投資者悲觀到一個程度，跌到15000點就睇10000點，當市場出現呢啲極度悲觀情況，股市係有機會見底。

佢續指，其次係睇基本因素，估值係咪去到歷史低位，依家美股肯定唔係，美股跌咗逾20%後，標指經周期調整市盈率仍有20倍以上，歷史低位一般係10幾倍，通脹失控年代甚至見過單位數。

Lewis認為，港股可以睇高一線，因為恒指已跌到低過帳面價值，怛恒指係咪可以見底回升，暫時仍未肯定，但大市有15%至30%股份已經見咗低位，即有啲股份唔會跌穿舊年低位，但唔代表恒指唔會再探底，因為美股未跌完，就有機會拖累恒指。

【名家給力場】股市見底兩大指標 

「股市漁夫」創辦人莊志雄認為，當連長年面對通縮嘅日本都轉鷹，反映環球通脹情況已經嚴重失控，各國央行其實冇計控制通脹，指炒作減息憧憬係言之尚早。佢續指，數據顯示日本早前已開始縮表，可見今次行動並非突然。

Lewis又指，美債引伸波幅喺各國央行減加息幅度後，仍未穩定落嚟，預期明年債市會愈來愈波動，又話今年現金及收息工具跑贏大部分資產，認為明年嘅投資策略可保守啲，例如投資美國短期國庫債券(T-bills)，幾個月內就可以連本收返3至4厘息。

KL預期，中國明年初會出現恰到好處(Goldilocks)嘅增長，惟之後會「由滯入脹」，令全球商品需求急升，企業更難控制成本，人民又要求高工資，不排除傳導至歐美，令當地通脹難以回落，屆時各國央行難出現政策轉向(pivot)，有機會引發金融機構或樓市泡沫爆破，其中聯儲局會率先被逼轉向而減息，佢擔心上述情況明年前半段就會發生，到時美股難有運行。

KL又話，明年唔適合用狗股策略揀股，因為今年跌得最殘嘅港股藍籌，大部分係增長股，估計明年價值股會受追捧，除咗息高、估值平，亦因為唔少殘股喺過去2個月已大幅反彈。

【名家給力場】狗股策略2023年用唔著(上)

「股市漁夫」創辦人莊志雄認為，當連長年面對通縮嘅日本都轉鷹，反映環球通脹情況已經嚴重失控，各國央行其實冇計控制通脹，指炒作減息憧憬係言之尚早。佢續指，數據顯示日本早前已開始縮表，可見今次行動並非突然。

Lewis又指，美債引伸波幅喺各國央行減加息幅度後，仍未穩定落嚟，預期明年債市會愈來愈波動，又話今年現金及收息工具跑贏大部分資產，認為明年嘅投資策略可保守啲，例如投資美國短期國庫債券(T-bills)，幾個月內就可以連本收返3至4厘息。

經過3年疫情嚴格防控後，KL話內地人口愈趨老化，人與人之間接觸變少，加上內地當局冇谷針，估計嚟緊疫情傳播速度會好快，尤其是老年人為免受感染，可能選擇「自封」，即係留守家中並囤積藥物，所以經濟重啟過程或比預期慢，現時炒重啟概念股係太早。

KL又預期，中國明年完全解除防疫措施後，很有可能步美國後麈出現嚴重通脹，對必需消費品構成負面影響，甚至間接令美國不能明顯減息來挽救經濟衰退，明年可能出現滯脹。

佢續指，比較擔心內地電訊股及食品股前景，前者即使技術有升級，但國家唔畀行業加價，難以提升每用戶平均收入(ARPU)，後者作為民生用品會影響通脹數據，成本上升亦令股份估值偏高，後市有可能迎來調整。

【名家給力場】炒重啟概念股時機未到(上)

「股市漁夫」創辦人莊志雄指，美股趁噚晚出CPI數據炒上，基本上11月10日已經開始咗，而大約1個月前，成日聽到要炒返舊經濟股，所以要買道指，如果買道指ETF，過去1個月升咗5%，但跑輸黃金，而黃金都屬於傳統投資產品，另一樣係避險資產，即美債，尤其係長債，經濟倒退時常用嘅工具，如果通脹真係回落，炒Disinflation用嘅工具正正係長債，長債ETF升咗14%，年期愈長嘅長債ETF，升得愈勁，而中國股市嘅ETF表現亦十分標青，呢個炒法係炒通脹回落，但背後其實係炒緊衰退，尤其係油價下跌時，因為衰退先會「債升油跌」，所以唔好開心得太早。

Lewis又話，噚晚出咗CPI數據後，油價又炒返轉頭，投資者要思考下，如果通脹真係回落，聯儲局「收水」，商品價格升返上去，通脹預期會唔會回落？如果落唔到，聯儲局又可以做到乜嘢？

莊志雄指，大約1個月前已提及，聯儲局轉軚係唔及中國防疫措施轉向重要，睇返過去逾1個月嘅資產價格表現，已經確認咗呢個樣嘢，CPI數據出爐後，成個市場突然好似Risk On咁去炒，但結果係A股及港股大幅跑贏美股，其中金融指數最標青，勁升45%，佢提醒投資者，唔好睇最新消息去做投資決定，反而要考慮一啲中長線因素。

Lewis又認為，炒聯儲局轉軚係炒錯咗，原因係...

嘉賓：莊志雄 

主持：范巧茹

勝利瑞柏基金管理合伙人暨投資總監陳建良指，兩週前節目提到恒指見底應該應驗，而好消息亦令巿場反應相當猛烈。不過，投資者唔好太興奮由極消極轉為極樂觀，因為股巿續受加息大環境影響，現時反而不應該追貨，。

至於恒指後市會點走，KL估計，年底前會繼續喺18000點或以下水平徘徊，波幅逐步縮小。

【Now財經台】美國上月生產者物價指數(PPI)升幅細過預期，反映通脹再有降溫跡象，噚晚美股3大指數向上，不過「股市漁夫」創辦人莊志雄指，美股呢轉升浪唔太合邏輯。

Lewis分析指，睇返過去一周各類資產價格表現，雖然股市升，但同衰退有關嘅債價及金價亦有得升，至於同經濟相關嘅油價就向下，其實係反映經濟基本面唔好。佢又話，美股呢輪升得勁，純粹係資金炒緊聯儲局政策轉向(Fed pivot)嘅憧憬。

佢續指，據最新利率期貨顯示，聯儲局最快明年7月先會減息，依家炒pivot係太早，就算聯儲局減息，亦唔代表股市見底，據歷史統計顯示，聯儲局開始減息後，美股會再跌27%至58%。

【名家給力場】美股太早炒減息預期？(上)

勝利瑞柏基金管理合伙人暨投資總監陳建良認為，發展商係咪要蝕本賣樓，好睇發展商嘅財政實力同借貸水平。佢指絕大部分發展商嘅借貸水平遠低於對上幾次樓市下跌周期，形容普遍持貨能力高，未必會劈價促銷。

不過，KL睇淡港鐵公司(00066)及領展房產基金(00823)，因為港鐵乘客量下跌，加上政府為大股東，公司自主能力較低，港鐵嘅估值喺公用股中唔算平；至於領展方面，受到10年期國債息率影響，佢總結話，發展商或放慢賣樓步伐，係低流轉下唔建議加注地產股。

【名家給力場】發展商難賣樓 咪加注地產股(上)

「股市漁夫」創辦人莊志雄指，其實今年3月、4月都炒過一次轉向，去到7月至8月中又炒一次，期間聯儲局嘅終極利率一路升，雖然局方官員之前話唔應該高過5厘，但最新已升穿5厘，點解會出現呢個情況？今次已經唔係第1次喺聯儲局喺開會前，借《華爾街日報》一個記者放風，喺剛過去嘅星期日話，終極利率應該高啲，而局方嘅態度似乎跟住標指走，指數高返啲，局方就鷹啲，似乎係想管理市場預期，而終極利率今年係持續向上，睇唔到轉向情況。

Lewis又話，政策轉向可能係中國防疫政策轉向，呢個喺第4季係更加重要，因為會影響好多資產價格表現，尤其係商品，例如中國通關，唔多唔少會影響油價，由於價格上返去，美國能源股近期都造返好啲，通脹就較難回落，令聯儲局政策就更難轉向。

至於經濟衰退情況會持續幾耐，莊志雄就話...

【名家給力場】聯儲局政策難轉向？(上)

【Now財經台】港股上日見逾13年低位，美國債息繼續抽升，散戶想為資金尋找避風港，究竟傳統防守性資產如中資電訊股能否成為救星？

勝利瑞柏基金管理合伙人暨投資總監陳建良指，中國移動(00941)、中國電信(00728)季績差過市場預期，中資電訊股上季嘅經營開支升幅顯著，又話通訊費用佔內地通脹數字好大部分，如果要解決通脹問題，中央好可能先向屬國有企業嘅電訊業開刀，因為價格較其他一籃子日常使費容易控制，因此憂慮行業再有降費風險。

【名家給力場】中資電訊股最後都會「終移動」(上)

「股市漁夫」創辦人莊志雄指，跨資產類別表現嘅波幅係居高不下，情況比2008年初更差，當時由於美國開始減息，跨資產類別波幅一度回落，之後發生雷曼事件，波幅又抽咗上去，意味各類資產齊齊向下，依家一直處於150樓上，意味市場依家非常不安。

Lewis又話，今年係股債一齊跌，投資者過去幾十年都會做就係股價合一，即組合內60%係股票，40%係債券，今年係100年以來最差，表現遠差過2008年，今年大量機構投資者股債合一嘅組合跌咗30%，負財富效應將會好嚴重，會影響外國甚至全世界投資者嘅消費意欲。

佢又話，基金經理現金水平持續增加，睇返過去10年，當基金經理嘅現金水平高企，都係一個買貨時機，係一個相反指標，但今次美股係泡沫爆破，現金水平要再高啲先係入市時機，點解依家咁多人匿去現金，因為股債都唔掂，所以好多人揸美元，最近聽到唔少人教人做美元定存，甚至做1年定期，Lewis提醒投資者必須小心，因為...

【名家給力場】做美元定存要小心(上)

勝利瑞柏基金管理合伙人暨投資總監陳建良指，跌市無謂估底，因為根本好難估，亦意義唔大，即使美國通脹回落，聯儲局放慢加息步伐，都救唔到個市。

KL又話，股市要喺谷底反彈，要等一啲「事情」發生，例如今日日圓跌穿146，令央行唔止放慢加息步伐，而係急速增加流動性，到時先可能對大市有影響

【名家給力場】通脹回落已不能阻止金融黑洞...(上)

【Now財經台】美股周初大升後，近日都要跌，噚晚道指跌超300點，港股今日都跟跌，恒指再失守18000關。巿場觀望住今晚公布嘅非農就業數據，睇下有冇機會令聯儲局放慢加息步伐，係咪睇今晚出爐嘅數據，就大概知道聯儲局未來嘅加息部署？港股後巿又會點走？

勝利瑞柏基金管理合伙人暨投資總監陳建良指，依家巿場嘅方向係，一旦美國經濟數據差，聯儲局加息步伐就唔會咁快，係會有利股巿。不過，KL認為，依家估聯儲局之後嘅部署係言之尚早，因為就業情況根本冇出問題，所以靠差過預期嘅非農數據去評估美國加息步伐並唔合理。

KL又估計，短期而言，外圍嘅下跌趨勢唔會改變，因此，港股有機會進一步下試低位。至於航運股.... 

【名家給力場】為何航運股一倍市盈率都唔買得？(上)