「請注意頁底重要聲明」
大家好，小弟漁袋，我大約2020到2021年睇到股市漁夫嘅廣告，第一時間心諗：「哇！出『破』我就跟，仲唔賺到笑？」但接踵而來就係我試咗幾次唔work，所以個陣就冇再續。直到2022年，當時真係想搵個系統化既投資方法，於是下定決心再試用股市漁夫，於是我每星期都會睇「一周回顧」同「市場氣候」。雖然係咁，但係作為一個人，我都經歷過受情緒主導而做錯交易決定，當中包括買同賣嘅時機都出錯。
隨後我又機緣巧合下接觸到價值投資大師Howard Marks定期寫比客戶嘅Memo，第一篇睇嘅係’The Illusion of Knowledge’ (https://www.oaktreecapital.com/insights/memo/the-illusion-of-knowledge)。之後我用 2個月時間將Howard Marks 2021年到2023年既Memo睇晒，仲買埋佢個兩本書，當中都節錄咗好多佢以前寫落既Memo，一路睇一路發現原來要喺投資市場賺錢真係好難，當中最難係你要贏到人性。
Howard Marks投資概念包括：
其實Howard Marks仲有其他概念，小弟都仲不斷吸收同消化，以上只係僅僅列出一少部分。
Howard Marks其中一個概念 「市場 (或世界運行) 似鐘擺 – 物極必反」。
小弟想抽呢一個概念探討市寬，因為市寬反映市場嘅軌跡，當中由情緒、形勢、資金等因素影響。
如果大家睇港股150天長線市寬或者盈富基金(2800)，就會發現市寬每次落到支持區最後都會有機會擺盪上去阻力區。如果係咁嘅話，其實支持區就係投資者買入嘅時機，買入後就等市場擺盪到阻力區，然後考慮離場。點解會講考慮呢？因為要就時機賣出，Howard Marks都有一篇Memo作出講解 (https://www.oaktreecapital.com/insights/memo/selling-out)，字數所限，未能詳述。
2012年5月，2016年2月都有兩次市寛跌到支持區嘅時間，個兩次最後用左3年時間上番阻力區，每次2800 ETF賺幅大約50%。
2022年到2023年嘅今日，市寬亦喺支持區上上落落，有人睇到嘅係港股沒落，但我會睇成係呢10 年來2800 ETF第3次賺50%嘅機會。
依家小弟每日都會抽時間去睇Howard Marks嘅書同Memo，主因係佢嘅投資理念好適合我嘅性格。亦因為咁，我由當初好頻繁做追勢交易，學睇圖做技術分析轉為價值投資，開始學睇財報，分析基本面，一路等待市場擺盪到極端時就把握機會爭取報酬，不爭朝夕。
依家我以價值投資角度去看待漁夫訊號，短線上落波動嘅訊號我都唔太在意，同時間亦以2020年3月為起點Linear Regression Channel (LRC)去睇一啲資源類既股票（如883），落到通道底就加注，如遇到市場恐慌就加大注……等待鐘擺效應。
重要聲明：股市漁夫內的所有內容，包括本影片，絕不構成任何投資意見或購買任何股票及金融產品的特定推薦意見及/或不構成任何游說或要約，以購買、出售或以其他方式交易任何證券、期貨、期權或其他金融工具或其他產品，漁夫系統的內容亦並非就任何個別投資者的特定投資目標、財務狀況及個別需要而編製。投資者不應只按漁夫系統的內容進行投資。用戶必須留意，漁夫系統的所有訊號，並非是買賣訊號或任何投資建議，而所有訊號均是全自動用第三方提供之客觀市場數據計算出來的結果，當中並不涉及任何人為的想法、修改、修訂或任何投資建議。本網站包含的所有內容、資訊、訊號，並不針對任何特定的投資目標、財務狀況以及可能使用或接收該內容的特定人員的特定需求。在作出任何投資決定前，投資者應考慮各種金融產品的個別特點、個人的投資目標、可承受的風險程度及其他因素，並適當地尋求獨立的財務及專業意見。
