「請注意頁底重要聲明」
有個 “health” 字就食到今次條水？！
小漁兒
又係一個冇咩事最好唔好出街嘅週末，用咗一個下晝喺屋企整口罩收納俾屋企人用，等大家出街食飯時唔需要周圍掛，搞掂哂之後又到咗做功課嘅時候啦💪🏻
大市由今年2月19日起出現多次斷崖式下跌😱，又有報復式反彈🤪，由 「嘩！歷史性第三次熔斷啊！」⋯⋯去到街頭巷尾突然之間個個都係熔斷專家，波幅大到一個90歲做開價值投資嘅巴伯伯都話未見過，相信好多漁民同我一樣，呢個月瞓少咗好多🙃
面對咁嘅市況，好多資產都不理好醜係咁被人拋售，隻隻股票oversold，個價直插冇水花反而令equities吸引力上升返唔少。過去個幾月，船長已經多次開大聲公講要buy on dips，把握機會建立Plan D/E positions，尤其是要留意已經一底高過一底嘅強勢股。經常提起嘅抗疫股ARKG，GILD，CLX等等就唔提啦，呢幾隻嘅圖大家又畫過，資料都應該睇過唔少，今次打算同大家分享下我做嘅功課，就係睇下美股仲有冇其他風中勁草可以buy on dips…
港股可以用漁夫系統，美股只可以用低配版系統（即係本人個腦+stockcharts+tradingview+ finviz），雖然冇突破訊號又冇能量計，但勝在可以訓練基本功，增加經驗值，遲下升呢。剔剔剔click click click set filter，撒下魚網後撈到隻eHealth Inc. ，奇怪啦，明明已剔走咗healthcare sector，點解仲有隻EHTH出現嘅？一睇之下，原來係披著 “health” 字嘅insurance broker，唔通又係得閒whatsapp問你愛唔愛屋企人⋯⋯實際想賣份好貴嘅全球醫療保俾你嗰種嘢？細看之下，好彩唔係，原來係醫保trivago，輸入zipcode就可以幫使用者搵到區內嘅各種醫保計劃，仲可以格埋價，選完即時網上申請。相信大家都知道，美國好多人與貧窮嘅距離只係一次大病嘅醫療費，依家美國疫情發展方向仍然令人擔心，相信好多人就算平安渡過此 「疫」，之後都會心有餘悸，對醫保會更重視，好似911之後大家都走去買恐襲保險一樣，而家仲要可以網上搞掂哂，唔使帶口罩，又唔使出門口，相信呢類公司可以繼續有生意做。
講咗咁耐，我撒網搵到佢出黎，呢隻股肯定有個唔錯嘅技術走勢啦✌🏻，EHTH YTD 升左37.5%，2月19日至今亦大幅跑贏大市(其實已經收復咗所有跌幅)。做完一大輪功課，我就多一隻股票納入觀察名單，唔知各位漁民有咩睇法呢? 我始終唔係美國人，又唔喺美國打工，會唔會對醫保呢樣野了解不足，而唔知盲點喺邊度呢? 希望大家可以俾啲comment😄
最後，船長講得啱，咩市都好，都要繼續有exposure，要保持對市場嘅敏感度，用控制注碼嚟管理風險，希望大家隻船繼續乘風破浪，日日有魚食!
重要聲明：股市漁夫內的所有內容，包括本影片，絕不構成任何投資意見或購買任何股票及金融產品的特定推薦意見及/或不構成任何游說或要約，以購買、出售或以其他方式交易任何證券、期貨、期權或其他金融工具或其他產品，漁夫系統的內容亦並非就任何個別投資者的特定投資目標、財務狀況及個別需要而編製。投資者不應只按漁夫系統的內容進行投資。用戶必須留意，漁夫系統的所有訊號，並非是買賣訊號或任何投資建議，而所有訊號均是全自動用第三方提供之客觀市場數據計算出來的結果，當中並不涉及任何人為的想法、修改、修訂或任何投資建議。本網站包含的所有內容、資訊、訊號，並不針對任何特定的投資目標、財務狀況以及可能使用或接收該內容的特定人員的特定需求。在作出任何投資決定前，投資者應考慮各種金融產品的個別特點、個人的投資目標、可承受的風險程度及其他因素，並適當地尋求獨立的財務及專業意見。
