大家好，我係漁悅，係一位「股市漁夫」用戶。
首先，比啲background大家，小弟係layman，對金融、財經認識好少，本身又唔係做相關職業，係名副其實嘅散户。本身返工忙，屋企又忙，時間唔多。散户一般常犯錯誤，例如高追低沽、FOMO、唔識止蝕之類我都試過（好多次）。最慘係錯完又錯都冇汲取教訓。直至我三年前有朋友介紹「股市漁夫」呢個平台。一開始我都係睇免費片，覺得莊博講嘢幾有趣。同一般KOL唔同，佢講風險管理，講數據，講分析。之後就join埋港股年繳。冇join美股年繳因為自問冇時間研究咁多。
一開始用系統都係每個星期睇巿場氣候同一週回顧，有補習班就算join唔到都會重溫。起初都唔係咁識用（其實係懶），多數齋睇片。之後有次莊博喺條片度講叫啲用戶多啲自己用系統，話如果你淨係睇佢做運動，但係自己唔親身去做，就唔會學識。呢番說話點醒咗我，之後我就會一路睇片，條片入邊莊博點樣撳系統，我就開多個screen跟住點樣撳。呢個方法好笨，但係有用。如是者開始建立個習慣，每日睇吓大市走勢，再睇吓板塊能量，又睇吓出咗啲咩突破股，啲突破估係屬於咩板塊。咁樣睇一日係冇乜用，但係如果日日睇，又或者隔日睇，係會留意到啲變化。每星期漁夫兩條片都好多insight，再加上自己用系統觀察，開始有啲投資嘅想法。試吓自己未買之前先計劃定，買入價幾多，止蝕幾多，上望幾多，諗清楚先至落盤。當然過程中常有犯錯，但係每次都盡量睇返自己錯咗啲乜。
同朋友講話有用漁夫系統，多數人嘅反應係會覺得好貴，大家係唔想俾錢。老老實實，呢個世界冇免費午餐。我自己嘅經驗係，有好多投資機會，如果冇系統，我係唔會睇到。如果肯去認真學，年費唔係好難回本。另外有一招我覺得幾容易用嘅，就係坊間新聞或唔同渠道有啲推介嘅股票，都可以將呢啲股票喺系統入邊睇吓佢哋嘅表現及指標。
除咗用系統，好多漁夫講堂嘅課程我都有參加。除咗投資興趣之外，好多課題其實都好有趣，好切合呢個世界嘅轉變或者發生緊嘅事。幾百蚊（如果係漁夫用戶）就可以上幾個鐘，仲要啲資料整理得好好咁表達返出嚟，真係唔錯。我自己覺得除咗投資方面認識多咗，亦都了解多咗好多新事物，自己個思維都唔同咗。如果未上過嘅話，都鼓勵大家嘗試一下。
最近第三次續年繳，可能都幸運，遇着港股最近表現較好，一個月左右嘅投資利潤，已經夠交一年費用。我自己投資嘅目標唔係賺大錢，如果僥倖抗到通脹我已經好滿足。反而而家學返點樣正當既做投資，個人諗嘢、視野唔同咗，我覺得係最大嘅得着。希望大家無論升巿跌巿，都保持正面心態，做好功課，盡力獲取回報。
註：漁悅利用漁夫選股工具，今個升浪選中了兩隻爆升股（9911 & 9992）！
重要聲明：股市漁夫內的所有內容，包括本影片，絕不構成任何投資意見或購買任何股票及金融產品的特定推薦意見及/或不構成任何游說或要約，以購買、出售或以其他方式交易任何證券、期貨、期權或其他金融工具或其他產品，漁夫系統的內容亦並非就任何個別投資者的特定投資目標、財務狀況及個別需要而編製。投資者不應只按漁夫系統的內容進行投資。用戶必須留意，漁夫系統的所有訊號，並非是買賣訊號或任何投資建議，而所有訊號均是全自動用第三方提供之客觀市場數據計算出來的結果，當中並不涉及任何人為的想法、修改、修訂或任何投資建議。本網站包含的所有內容、資訊、訊號，並不針對任何特定的投資目標、財務狀況以及可能使用或接收該內容的特定人員的特定需求。在作出任何投資決定前，投資者應考慮各種金融產品的個別特點、個人的投資目標、可承受的風險程度及其他因素，並適當地尋求獨立的財務及專業意見。
詳情請重溫股市漁夫FAQ及免責聲明。
最後更新： 2024-05-14
