「請注意頁底重要聲明」
【Now財經台】美國隔晚偏軟，道指要跌逾300點。投資者JEREMY GRANTHAM提出，總統選舉周期第三年，一般股市都會做好。呢個理論依家仲有冇效？另外，佢都有用估值去睇一啲長遠回報，投資者可以點參考部署？
「股市漁夫」創辦人莊志雄指，無論係總統或執政黨都會想自己派別繼續執政，所以佢哋會喺第三年「谷經濟」，令第四年經濟歌舞昇平。因聯儲局「放水」，通常會有六至十二個月嘅滯後效應，所以先會喺第三年開始「谷經濟」，預留時間畀實體經濟提升，有利該黨繼續連任。但因為受到聯儲局資產負債表膨脹或收縮影響，所以呢個理論喺過去三年都失效。
Lewis又話，依家仍然可以用估值睇長遠回報。由於現時美股估值超貴，所以未來七年回報預測係負數。如果依家股市回升，立即做量化寬鬆(QE)，通脹可能徘徊5%至10%，而標普500指數表現都可能係5%至10%，扣除通脹就變成負回報。反而新興市場嘅價值股，未來七年回報率扣除通脹後，高於以往平均值，有約7.6%，因此投資者可以考慮呢類型嘅股份。
重要聲明：股市漁夫內的所有內容，包括本影片，絕不構成任何投資意見或購買任何股票及金融產品的特定推薦意見及/或不構成任何游說或要約，以購買、出售或以其他方式交易任何證券、期貨、期權或其他金融工具或其他產品，漁夫系統的內容亦並非就任何個別投資者的特定投資目標、財務狀況及個別需要而編製。投資者不應只按漁夫系統的內容進行投資。用戶必須留意，漁夫系統的所有訊號，並非是買賣訊號或任何投資建議，而所有訊號均是全自動用第三方提供之客觀市場數據計算出來的結果，當中並不涉及任何人為的想法、修改、修訂或任何投資建議。本網站包含的所有內容、資訊、訊號，並不針對任何特定的投資目標、財務狀況以及可能使用或接收該內容的特定人員的特定需求。在作出任何投資決定前，投資者應考慮各種金融產品的個別特點、個人的投資目標、可承受的風險程度及其他因素，並適當地尋求獨立的財務及專業意見。
