睇完漁民字D關於車手文章，作為一個已經使用系統及follow 莊博多年的女漁民，都有啲感受想寫低⋯⋯
應該好多人都聽過用炒股形容股票買賣⋯⋯初初買股票，一心諗住搵快錢，最喜歡聽到啲冧把就覺得有錢賺，唔買就笨，最好即買即升即食，不知幾過癮。間公司做咩，PE 幾多唔理架。正如啱啱畢業出嚟番工，食飯最方便就係快餐，街頭小食。營養成分、衛生程度唔理架，最緊要平同就手。
呢啲日子維持左一段時間，聽number 日子賺少少，但一野就可以輸到嘔白泡。2008年幾個交易日急跌就冇左幾個月人工。正如食完唔乾淨食物，肚瀉兼腸胃炎。或者身體檢查先發現因為長期飲食唔均衡而引致高血脂高膽固醇。
面對呢啲輸錢情況，心理壓力原來係咁大。有苦自己知。呢種慘痛好希望搵個高人指導下。
唔做number 黨，試吓自學技術分析。想搵個高人原來都唔容易，投資世界咁大，不斷尋找一個適合自己嘅投資策略⋯⋯當時就係咁聽到一個好陌生而又平淡嘅名稱嘅「市寬」。一個陪伴我渡過幾個市場升浪及跌浪嘅基礎工具。📈📉📈📉
當時以一個股市輸多贏少嘅新手來講，跟莊博呢類「米芝蓮」級數大廚，一開始實在要花上大量精力及時間，因為好多時候都要自己親力親為，落手落腳去做。正如煮餐飯，又買又洗又切，搞到一頭煙，仲要煮燶咗冇得食，都會覺得系咪攞苦嚟辛。😩
不過肯堅持唔走回頭路，有啲事會慢慢變好。跌跌撞撞，開始有少少領悟。
其實使用漁夫系統時，有點兒像用緊一個多功能萬用鑊，你可以因應情況需要運用。牛扒用嚟快煎、牛腩就慢慢炆煮。有時用錯方法都可能搞到太老或者唔入味。
幸而莊博不定時見到有平靚正嘅題材（食材）會通知大家注意‼️。最緊要係遇到有風暴來臨時，會多次預警做定防風措施。可以視乎自己需要買定啲tail hedge傍身，唔洗好似一到8號風球前夕，街市超市排長龍兼且被人一掃而空，最後求其買咗啲又貴又唔好食⋯⋯😭
經過多年努力，距離莊博及金sir 呢類米芝蓮級數大廚仍有超遠距離。不過一步一步走來，起碼可以炒到一碟合乎自己及家人口味而又健康嘅食物。
另外想感謝一下金sir 精心炮製嘅課堂（尤其講熊市夾倉、tail hedge)及漁民們嘅分享。非常實用。改善咗好多做short 盲點。🙇♀️🙇♀️
最後， 希望各位身體健康，財務蒸蒸日上，世界和平！！
補充：投資世界太平盛世時，好容易會被花花世界淹蓋了其價值。但一旦有突發事件發生，就會明白莊博及漁夫系統的內在價值。所以漁夫不是垃圾⋯⋯
重要聲明：股市漁夫內的所有內容，包括本影片，絕不構成任何投資意見或購買任何股票及金融產品的特定推薦意見及/或不構成任何游說或要約，以購買、出售或以其他方式交易任何證券、期貨、期權或其他金融工具或其他產品，漁夫系統的內容亦並非就任何個別投資者的特定投資目標、財務狀況及個別需要而編製。投資者不應只按漁夫系統的內容進行投資。用戶必須留意，漁夫系統的所有訊號，並非是買賣訊號或任何投資建議，而所有訊號均是全自動用第三方提供之客觀市場數據計算出來的結果，當中並不涉及任何人為的想法、修改、修訂或任何投資建議。本網站包含的所有內容、資訊、訊號，並不針對任何特定的投資目標、財務狀況以及可能使用或接收該內容的特定人員的特定需求。在作出任何投資決定前，投資者應考慮各種金融產品的個別特點、個人的投資目標、可承受的風險程度及其他因素，並適當地尋求獨立的財務及專業意見。
詳情請重溫股市漁夫FAQ及免責聲明。
最後更新： 2022-09-27
