【開市Talk】莊博提到，最近美股估值已非常高，現階段未必適合入市。就算優質公司的股票，都不應在估值高的時候做買入點。至去除金本位制以來，美股的長期回報率為7.8%。如現在買入高估值的股票，回報率也未必可達7.8%。故股神巴菲特近期買入大量短債，實為明智之舉，因無風險的短期美債息率已為5.5%。 而且美國的通漲有稍為回升的跡象，主要是因為美國增持戰略石油儲備以使油價回升，另外也因為基數低的效應漸漸消失。上月的美國CPI按月升0.2%至3.3%，雖然符合預期，但也同時意味九月要再一度加息以壓抑通漲的可能性升高。 但儘管如此，只要符合以下三個條件，也仍可在市場中尋寶。例如CELH，該股正處於增長期,在收入方面持續上升，鎖售預測在2023年為1.11B美元，2024為1.51B美元及2025為1.988B美元；第二是市場占有份額中有明顯增長，此股在去年的市場占有率有單位數攀升至雙位數； 以使第三個條件出現，股價能夠在逆市中破頂。 嘉賓：#莊志雄 股市漁夫創辦人 主持：范巧茹https://www.youtube.com/live/eBmvGiIABO8
【Now財經台】美股近期持續調整，「股市漁夫」創辦人莊志雄指，最近息口上升，增長股嘅估值會受到擠壓。 Lewis比較納指5隻「股王」包括英偉達(Nvidia)、Google母公司Alphabet、微軟(Microsoft)、蘋果公司(Apple)、亞馬遜(Amazon)8月至今嘅股價表現，當中僅市銷率(price-to-sales ratio)最低，即估值最平嘅亞馬遜有得升。 佢分析指，5隻股份中，英偉達嘅市銷率最高，最高峰時曾達45倍，意味集團喺零成本下，需要45年才回本。佢又話，Tesla喺2021年熱炒時，市銷率逾20倍，英偉達嘅估值泡沫爆破後，市銷率下調至約39倍，但仍屬「瘋狂」估值水平。 Lewis續指，隨著8月息口抽升，呢類增長股面對嘅沽壓愈大，因為債息愈來愈高，買債收息嘅回報比買股票更吸引，機構投資者會逐漸減持高估值股，再將資金泊落債市賺利息，繼而拉低納指。 佢又提及，納指已跌穿50天線，跟長線市寬走勢背馳，指數喺冇大股支撐下，將會進入唔短嘅調整期。 https://youtu.be/ZvRcGFEqmjM?si=F4VTwmiCvmu-VdGp (更正：影片0分57秒內應該係Risk-off，不是Risk-on🙏)
【名家給力場】納指將步入較長調整期？
【Now財經台】阿里巴巴(09988)上季度經調整純利按年升48%，6大業務全面向好，除咗雲業務收入增長較慢外，其餘5大業務都錄得雙位數增長，業績整體好過市場預期，阿里股價今日開市冇耐已升近4%，一度高見97.95元，收市報95.3元，逆市升1%。 不過，勝利瑞柏基金管理合伙人暨投資總監陳建良認為，雖然市場收貨，但投資者要留意，期內收入按年急升，係由於去年同期出現疫情封控令數據受惠於低基數，加上今年上半年復常後，疫情期間被壓抑嘅需求(pent-up demand)帶動銷售增長。 不過，第2季起內地經濟開始掉頭向下，佢估計，年底經濟增長將不及年初，而網上銷售同經濟掛鈎，集團網上購物業務嘅收入增長或顯著收縮。 KL續指，在高息環境下，新股吸引力不再，認為阿里分拆業務獨立上市唔會對股價有好大幫助，加上美國落實對當地企業投資中國高科技領域嘅新限制，一定會影響阿里發展人工智能(AI)或其他涉及高科技嘅業務，預期股價會繼續喺80至100元橫行一段長時間。 【名家給力場】阿里下半年業績有隱憂 https://youtu.be/wgwPJ9CCQaQ?si=NHn1pqrLNKOwvoDZ
【Now財經台】中央政治局會議周一(24日)召開，港股第2日即收復牛熊線，大市今個星期成交回升，其中3日成交逾千億元。恒指7月暫累升逾800點，好大機會連升兩個月，港股係咪終於有「東風」？ 勝利瑞柏基金管理合伙人暨投資總監陳建良認為，8月環球股市好大機會「東升西降」，佢解釋指，日本央行有準備退出超寬鬆貨幣政策嘅跡象，相信環球資金流將出現反轉效應(reversal effect)，部分資金會從美股回流亞洲股市，有利港股後市，並預期港股市寬將全面上升，並會有更多上市集資活動。 KL續指，5至6月全球擁擠交易(crowded trade)數據顯示，美股大型科企好倉係最擁擠嘅交易，其次係沽空中資股，佢估計，呢兩個趨勢將會逆轉。 佢認為，雖然美國加息周期屆尾聲，但當地滯脹風險懸而未決，美國科技股會面對好大沽壓。另一邊廂，港股近日大舉反撲，估計唔少淡友將要夾淡倉，繼而夾高恒指，加上港美息差只係稍微擴闊，港元匯價冇明顯受壓，亦利好港股。 【名家給力場】環球股市8月「東升西降」？ https://youtu.be/JR6koI4TiGQ?si=XMjymt8Lac1nYMKg
