【Now財經台】市場預期大通脹時代將會重臨，道指、標普今年暫時最少升咗10%，但納指升幅不斷收窄，最新僅約1%。新經濟股之前已開始殺高估值，唔少相關個股大幅跑輸標指，呢個情況係咪會持續？ 「股市漁夫」創辦人莊志雄認為，機會係愈嚟愈大，今年美股有得升主要靠舊經濟股，如果睇返大市值股，今年升得最多係石油股，之前炒到顛嘅疫情相關股，例如Zoom股價舊年10月已經見頂，而一啲Story Stock，即係故事好美麗，「契媽」好鍾意、講未來講太空嗰啲股份，近期係跌得最勁，喺2月12日見頂後，走勢一浪低於一浪，因為估值太貴，泡沫已經爆破咗，其實要睇經濟重唔重啟到，反而要睇住一類股票，就係...
【Now財經台】美股4月表現標青，但喺5月第2個交易日，美國財長耶倫講咗一句「可能要輕微加息避免經濟過熱」，即時震散美股，美股今個月會點走？ 「股市漁夫」創辦人莊志雄指，好多美國企業嘅成績表都遠好過預期，比率近90%，上一次有咁好成績已經係2010年，但要留意一點，就係2010年後，績優企業都有啲無以為繼，因為好過預期嘅比率已經好高，要再進一步係有難度，股市喺經濟復甦嗰一下之後，就要唞唞氣，當日美股跌到好殘，但經濟就重新起步。 Lewis又話，如果睇標指企業真係交足貨，但最有趣之處就係業績靚，但股價唔識升，如果睇返過去一星期出咗業績嘅科技巨企，雖然唔係間間跌，Facebook 、Alphabet都有得升，但部分就跑輸標指，其實高增長股喺2月已經見頂，雖然依家標指仲撐得住，但今次業績公布後，見到績優股都要跌，佢認為有兩個「解釋」...
【名家給力場】印度疫症海嘯席捲股市？ 【Now財經台】印度疫情持續嚴峻，單日確診數目不斷創全球新高。內地方面就有華融債務問題，呢兩個因素對股市造成幾大潛在風險？ 長證國際資產管理部董事總經理陳建良指，華融仍有一啲有價值嘅資產，相信中央會等事件有序咁慢慢「洩氣」，唔會畀佢爆煲，估計只會影響到少部分銀行業績。不過，印度疫情嘅潛在風險明顯較大，KL認為，印度實際死於新冠病毒嘅人數，肯定比報道出嚟嘅多，印度疫情咁嚴重，醫藥供應鏈可能會斷裂，因為有唔少藥物都係喺印度製造，投資者必須留意呢個因素。 https://finance.now.com/analysis/post.php?id=655549&type=309
【名家給力場】揀鋼鐵股「由頭排到尾」 【Now財經台】大行摩根大通上調內地鋼鐵板塊評級，原因係限產、減排會令供應減少。如果講到政策大方向，自然令人聯想到行業整合，係咪一定利好龍頭企業？ 長證國際資產管理部董事總經理陳建良指，一定係，因為上到市嘅鋼廠質素一定唔會太差，而大鋼廠市佔率高、智能減排又好啲。至於點揀鋼鐵股，KL話，一定係「由頭排到尾」，鋼鐵行業好難講長線，因為有周期性，如果睇中線因素，一定係揀鞍鋼股份(00347)先，跟住就係馬鞍山鋼鐵(00323)，同埋重慶鋼鐵股份(01053)。 https://finance.now.com/analysis/study.php?topicId=3&newsId=652571&c=
【Now財經台】美國上月通脹超預期，Johnson & Johnson嘅疫苗接種被叫停，但債息又冇明顯扯高，標指再破頂，科技股又跑贏，納指仲一度重上14000點。美銀做咗一個基金經理調查，發現持股比重逼近歷史高位，但有唔少基金經理話依家係牛市末期，似乎都幾矛盾。 「股市漁夫」創辦人莊志雄指，噚晚債息冇大反應係好事，其實近期債息都比較穩定，所以之前影響股市表現嘅情況冇再出現。睇返美銀嘅調查，可能係股票價值升咗，債券價值跌，此消彼長下，私銀客戶持有股票比重去到2005年以來高位，達63.6%，值得留意係，2015年呢個比重係62.5%，當年係一個上落市，暫時睇嚟同今季情況差唔多。 Lewis又話，過往如果去到咁滿倉係要小心啲，起碼唔好再加倉，賺緊錢一定繼續持貨，美銀嘅調查話依家係牛市末期，其實係比較奇怪，因為依家先開始復甦，未見過啱啱復甦就係牛市末期，而基金經理持倉又咁滿，相信原因係...
