「股市漁夫」創辦人莊志雄表示，如果睇返市場上周嘅反應，今輪救市政策市場係好收貨，佢話可以用3個角度去睇，首先係動力，其次係估值點同其他市場比較，因為對機構投資者來講，好多時都係著重估值，若估值平但冇動力，佢哋未必會參與，A股及港股估值平早已眾所周知，但依家動力返咗嚟，最後係睇市場氣氛，依家氣氛都返咗嚟，當3個因素加埋，市場就突然好熾熱。

 

Lewis又話，睇中線市寬都可以評估到大市嘅動力，以今年上半年為例，當市寬升咗上去，係分2、3次升，唔係一口氣抽上去，但今次情況唔同，好直一下子咁抽升，由逾20%升至今日(2日)已去到60%，今次升得急過2022年第4季，即內地re-opening嗰下，抽得咁急反映momentum夠強，2022年嗰次係上唔到70%，但估計今次可以到，雖然上次冇今次咁強，但都可以hold住喺高位個幾月，如果以時間嚟睇，今次唔係一升就掉頭向下，原因係...

 

 

「股市漁夫」創辦人莊志雄指，日本央行冇管理好市場預期，所以觸發拆倉潮，唔單止影響日股，仲影響埋美股，連最強嘅納指由7月中開始跟隨日圓見頂回落，日圓跌代表美元轉弱、日圓轉強。日央行出嚟安撫市場，表示市場未穩定嘅情況下，係唔會再加息。依家市場穩定返，會唔會加息，現時對日央行嚟講仍然係一個難處，因為仲未解決通脹問題。

 

Lewis相信，短線做高槓桿或套息交易(Carry Trade)嘅投資者已經拆晒倉，但留意返長倉，唔少投資者以借日圓嘅方式買日本資產，長倉好多已長揸幾年，利潤非常可觀，如果日圓轉強，會影響日股，所以投資者沽部分日圓資產，還日圓，日圓可能會繼續強勢。若日圓跌到落140水平，可能會拆埋長倉，睇住日圓走勢係一個重要指標，下一輪好大機會會影響美股。