「股市漁夫」創辦人莊志雄指，防守型股份包括幾個板塊，包括公共事業、必需品等。今次因為OMICRON變種病毒出現，利好疫苗股。由11月8日起，疫苗股中輝瑞升最多，復必泰及莫德納在高位跌一半後，開始有回升跡象，莊志雄估計，未來疫苗接種次數可能會越來越頻密， 都可以考慮用呢類疫苗公司打防守，但同時要留意，疫苗股波動隨時好犀利。

 

「股市漁夫」創辦人莊志雄指，Omicron推低股市只係一個藉口，其實美股早於1個月前已經轉弱，聯儲局上月初開會後，醒目資金已經部署炒「收水」，所以每次聯儲局話「收水」，20年債息都大幅跑贏納斯達克100指數ETF(QQQ)，QQQ仲要跑輸埋公用指數ETF...........

 

「股市漁夫」創辦人莊志雄指，聯儲局加息加得太慢，市場認爲係一個錯誤，因爲聯儲局龜速「收水」，會導致明年第1、第2季需要提早，甚至加快加息，市場依家似乎係驚緊呢樣嘢。若加息步伐加快會影響美國經濟，所以美債係議息後突然升得勁過股市，例如長債ETF，如果市場驚通脹，長債ETF應該會跌，但依家不跌反升，呢幾日大幅跑贏標指。

 

Lewis又話，另一個技術性因素可能係之前太多人睇淡長債，個個驚通脹就沽空債券，出現挾淡倉嘅情況，依家債券、黃金呢啲避險資產跑贏股市，但其實股市唔係冇亮點，投資者不妨再觀望一下。

 

 

 

「股市漁夫」創辦人莊志雄指，幾個星期前已講過要留意季節性因素，如果睇返標指過去嘅季節性軌跡，第3季通常都會回落，今年就係9月回落，但去到10月中，調整嘅因素開始減退，依家都係跟返過往第4季嘅表現，但要留意一樣嘢，就係升得咁急之後，可能會出現調整或整固，如果跟返以往嘅季節性因素，未來兩三個星期，美股可能會有一個整固或調整，之後可能有一浸升。

 

 

「股市漁夫」創辦人莊志雄指，Jackson Hole年會後其實係一個轉折位，美股喺會議結束後出現一個短暫亢奮，但其實係一個走勢陷阱，好多人喺「嗰一下」諗住聯儲局係鴿派，所以追入咗，但之後美股好快就回落，美債亦要跌，但呢個唔係聯儲局樂見，所以唔「收水」都唔得，另一方面，通脹升、物價升會影響「放水」空間，市場依家正正係驚呢樣嘢。

 

 

「股市漁夫」創辦人莊志雄表示，由鮑威爾「放鴿」前到昨晚收市為止，其實美股都冇明確嘅方向，如果炒滯脹，債券冇理由升，如果炒通縮或通脹回落，油價又冇可能升咁多。

 

Lewis話，依家美股愈嚟愈難玩，但佢認為，其實由第2季開始已經要用防守策略，又可以留意一下反映風險因素嘅波幅指數，同埋道瓊交通平均指數(DJT)等。