文章分享

 

不過，Lewis表示，醫療板塊集體出現突破訊號，睇好港股後市嘅投資者可以留意。雖然未見有基本面消息，但唔少股份喺10月中出現突破訊號後，至今已錄得雙位數升幅，例如亞盛醫藥(06855)自10月18日出現突破訊號，至今已累升43%。

 

佢又提醒，買咗重磅股、藍籌、ETF等，同大市表現相關產品嘅投資者，趁恒指升至19000水平就係時候減倉。

 

「股市漁夫」創辦人莊志雄指，正常如果見到聯儲局QE，會見到納指表現會好過標指，不過，過去兩日嘅情況唔係咁，納指表現係差過標指，更重要係，最差股市例如德國及英國，呢2個股市如果計埋匯率表現，都係之前跌市嗰陣表現較差，年初開始計跌得較勁，反彈嘅時候表現得好過標指，反映通常熊市時跌得勁，反彈亦會勁啲。

 

Lewis又話，美股噚晚及前晚都升超過2.5%，過往見到升幅比較大嘅日子，大部分時間都係發生喺熊市期間，睇返過去近100年，最勁嗰100個升幅日，睇返分布有近60%喺熊市入面，反映單日升得勁，同連續2至3日升得勁，喺股市或歷史角度，呢個唔係正面消息。